Eurodeputeti holandez: SHBA, BE e Britania duhet t’i vendosin kufi Serbisë

Thijs Reuten, deputet i Parlamentit Evropian nga grupi socialist dhe demokrat, ka folur rreth perspektivës së tij për vizitën e presidentes së Komisionit Evropian Ursula von der Leyen në Ballkanin Perëndimor dhe vendimin e presidentit serb, Aleksandër Vuçiç, për të mbajtur zgjedhje të reja.

“Vetëm javën e kaluar, edhe besimtarët më të vendosur në strategjinë e dështuar BE-SHBA për zbutjen e presidentit serb Vuçiç duhet të kenë pasur thirrje të shumta zgjimi,”  – u shpreh eurodeputeti

Reuten tha se Vuçiç mohon ekzistencën e marrëveshjes së Ohrit, nuk dëshiron që asociacioni i komunave serbe të themelohet nga Prishtina në veri të Kosovës, pasi edhe kur i ofrohet të nënshkruajë një marrëveshje, ai refuzon të shmangë angazhimin real për normalizim.

“Në Beograd, ai i thotë presidentes së Komisionit von der Leyen përballë saj se është krenar që refuzon njohjen de facto të Kosovës. Dhe tani më e fundit është se ai bashkohet me ultra-nacionalistin e djathtë Vojislav Sheshel Sheshel për zgjedhjet lokale të Serbisë”, tha Reuten, duke shtuar se “Serbia, duhet të bëjë një zgjedhje”.

“Ju nuk mund të vazhdoni të lumturoheni me Rusinë, të jeni shkaku kryesor i paqëndrueshmërisë së vazhdueshme në disa vende fqinje, duke lejuar dhe mbështetur qëllimisht veprime dhe aktorë destabilizues, dhe në të njëjtën kohë të flisni për rrugën tuaj në BE dhe të merrni miliarda mbështetje evropiane. BE, SHBA dhe Britania e Madhe duhet të vendosin një kufi” – ka theksuar eurodeputeti për ‘The Guardian.’

Dhe ndërsa Serbia tani përgatitet për zgjedhje, Reuten vuri në dukje gjithashtu shqetësimet për një fushë loje të pabarabartë dhe mungesën e lirisë së shtypit në Serbi.

“Si kreu i misionit të vëzhgimit të zgjedhjeve të Parlamentit Evropian, unë isha vezhgues në zgjedhjet e fundit presidenciale në prill 2022  dhe bashke me te tjeret konstatuam “një numër mangësish në një fushën e një loje të pabarabartë, duke favorizuar pushtetarët” – tregoi deputet i Parlamentit Evropian

Sipas tij, “Situata ndoshta është përkeqësuar, veçanërisht në drejtim të kontrollit të medias.

“Nuk uroj asgjë më shumë se populli serb të jetë në gjendje të shkëputet nga mbi një dekadë ngecje, të zgjedhë lirshëm një udhëheqje të re dhe të rifillojë rrugën e tij evropiane” – deklaroi Reuten

Parlamentari theksoi se Bashkimi Europian nuk duhet t’i japë pushim lidershipit të Serbisë.

“Fatkeqësisht, presidenti Vuçiç thirri zgjedhje të parakohshme presidenciale tani vetëm për të mbajtur pozicionin e tij. BE-ja nuk duhet t’i japë atij muaj pushimi dhe t’i bëjë të qartë se ai do të duhet të sigurojë stabilitet për rajonin dhe të ardhmen evropiane dhe prosperitetin për popullin e tij” – deklaroi Thijs Reuten