Fajësoi Sarën për ndarjen/ Publikohen fotot e Ledrin me partneren e re, nisen me pushime

Reperi i njohur, Ledri Vula duket se ka vendosur të kalojë disa ditë pushime me partneren e re, Rina Ziti, pasi konfirmoi ndarjen nga nëna e vajzës së tij, Sara Hoxha.

Në fotot ekskluzive të Panorama Plus, reperi është kapur mat me vajzën milionere në aeroportin e Vjenës. Dyshja shihen nën shoqërinë e njëri-tjetrit teksa qëndrojnë të ulur në stolat në terminalin e aeroportit.

Kujtojmë se vetëm pak kohë më parë, “Panorama Plus”, zbuloi se Ledri Vula kishte gjetur dashurinë gati një vit pas ndarjes nga blogerja.

Çifti u fotografuan së bashku për herë të parë gjatë pushimeve në jug të vendit, teksa po shijonin momente relaksi pranë detit, duke u ulur pranë shkëmbinjve të plazhit.

Rina ka pasur edhe një raport miqësor me Sara Hoxhën, ish-partneren e Ledrit Vulës. Pak kohë para se të zbulohej lidhja me Ledrin, ajo kishte komentuar në postimet e Sara Hoxhës, duke e përshkruar atë si “mama të bukur”.