Festat 28-29 Nëntori/ Fluks i lartë në Kapshticë, po punohet me sportele të shtuara

Pika Kufitare e Kapshticës ka regjistruar një fluks të lartë udhëtarësh që prej mëngjesit të sotëm, 28 nëntor, ku dhjetëra mjete i janë drejtuar shtetit greke në këtë ditë feste dhe fundjave. Radhë të gjatë kilometrike, mjete që presin për të kaluar kufirin, kjo ishte panorama e kufirit të Kapshticës.

Megjithatë, situata është përmisuar me kalimin e orëve, trafiku është më hyrje dhe dalje, pasi po operohet me sportele të shtuara nga të dyja palët. Bëhet me dije se pala shqiptare dhe ajo greke po operojnë me 5 sportele, me qëllim shmangien e pritjeve të gjata.

Pala shqiptare ka qenë vazhdimisht në komunikim të vazhdueshëm me homologët grekë për të marrë masa që të shmanget pritja në radhë dhe të ulet fluksi i qarkullimit.