Zjarri do tju djeg/ Noka kërcënon nëse Berishës i ngrihet kurth në parlament

Kjo e premte shënoi 6 muaj mungesë të Sali Berishës në Kuvend duke i hapur rrugë interpretimit ligjor nëse humb apo jo mandatin.

Kuvendi nuk ka ndërmarrë ende asnjë hap zyrtar, por për demokratet mandatit i liderit te opozitës është vija e kuqe e bashkëjetesës politike në vend.

Noka: Do të thotë, se nëse regjimi bën eskalimim mbi ligj dhe Kushtetutë, atëherë demokratët do japin sinjale që situata do të eskalojë. Asnjë rrugë tjetër s’ka. I them Lindës së Parlamentit si instrument në duart e sulltan Surrelit bëni kujdes.

Cila qoftë vendimmarrja e Kuvendit opozita ka në plane të tregojë muskujt dhe zbresë në shesh duke iu rikthyer protestave kombëtare. Për Top Channel Flamur Noka konfirmon se me e afërta parashikohet në muajin korrik.

Noka: Vetëm kryengritja dhe mosbindja civile është përgjigjja për narkoshtetetin. Në korrik do të kemi protestë kombëtare.

Në një mbledhje të ngushtë që sekretari i përgjithshëm zhvilloi në selinë blu një ditë më parë u vendos jo vetëm për përshkallëzim të aksionit, por edhe për përgatitjen e një rezolutë bashkimi me demokratët e Lulzim Bashës.

Noka: Kemi kontakte me dy deputetë, Çollakun dhe Banon. Kemi edhe me te tjerë, po ashtu me drejtuesit në terren. Qëllimi i kësaj rezolute kjo është.

Të hënën Kryesia pritet të caktojë  jo vetëm datën e protestës se korrikut por edhe ti japë dritën jeshile rezolutës s bashkimit, rezultati i pare i se cilës pritet te shihet këtë muaj me caktimin e drejtuesve të qarqeve.