FOTO/ I nguli thikën Besmir Ukës pas një sherri banal

Personat që shihni në foto është Besmir Uka dhe Ermir Shabanaj.

Ky i fundit plagosi Ukën pas një sherri banal në një loakl në Sarandë mbrëmjen e 21 tetorit.

Pas ngjarjes, Shabanaj ia mbathi, por u arrestua sot bashkë me bashkëpunëtorin në krim Emiljano Murataj.

Shoku i Shabanaj fshehu krimin e rëndë, ndërsa përgatiti kushtet që të Shabanaj të largohej nga qyteti dhe t’i shpëtonte drejtësisë.

Shabanaj është emër i njohur për policinë pasi më 25 qershor të këtij viti është arrestuar nga policia e Sarandës duke drejtuar mjetin në gjendje të dehur, ndërkohë që brenda në mjet iu sekuestrua edhe një thikë, teksa në 2013 ka qenë i arrestuar për vjedhje në Tiranë.

Gjithashtu edhe Uka nuk është emër i panjohur për policinë e shtetit, pasi ai rezulton të jetë i dënuar më parë për “vrasje ne kushtet e vetëmbrojtjes” si dhe ka precedent penale të tjerë, për kërcënim të një të miture me anë të Facebookut, “dhune ne familje”, “drejtim mjeti pa patente” si dhe “vjedhje me dhune ne bashkepunim”.