FOTO/ Makina humb kontrollin dhe përmbyset në rrugë

ELBASAN– Një automjet është përfshirë në një aksident të rëndë në aksin rrugor Librazhd-Elbasan në vendin e quajtur ‘Kthesa e Murrashit” që fatmirësisht përfundoi pa të lënduar. Drejtuesi i mjetit ka humbur kontrollin duke u përmbysur në rrugë.

Siç shihet edhe në foton e siguruar nga NTV.AL makina është përmbysur në mes të rrugës.

Si pasojë e këtij aksidenti është paralizuar qarkullimi për pak minuta, por më pas është rikthyer normaliteti. Shkak i aksidentit dyshohet mbizotërimi i reshjeve të dendura dhe gurët e rënë në rrugë nga lartësia.