FOTO/ Merr fund arratia, i arrestuar në zyrën e emigracionit në Kolumbi, ky është shqiptari ‘bossi’ i heroinës

Identifikohet shtetasi shqiptar që u arrestua të dielën në Boyacá  të Kolumbisë gjatë një kontrolli imigracioni pasi u konfirmua se ai kërkohej ndërkombëtarisht nga autoritetet italiane me akuzën e lidhjes kriminale dhe trafikut të drogës.

Ai është Genti Krasniqi, bosi shqiptar i drogës i shumëkërkuar nga policia italiane pasi akuzohet për trafikun e heroinës.

Në 2016, prokuroria e Milanos zbuloi se një apartament luksoz në atë qytet po përdorej nga një çift (një grua e re italiane dhe një burrë shqiptar) për të fshehur ngarkesat e heroinës që vinin nga Tirana.

Burri kishte udhëtuar nga Bogota për në qytetin e Tunjës, ku u zbulua ndërsa po përpiqej të kryente një procedurë në Zyrën Kolumbiane të Imigracionit.

Sipas autoriteteve, besohet se ai zgjodhi të udhëtonte nga kryeqyteti i vendit për në Boyacá, me qëllim që të shmangte pikat e kontrollit në pikat e zakonshme të kontrollit. Hipoteza sugjeron që në Tunja, ai e konsideronte më të lehtë të mbetej i pazbuluar.