Pinknews

FOTO: Shëtiti nudo në pishinë, arrestohet ylli i ‘Youtube’

Ylli i “Youtube”, Nikita Dragun, ka përfunduar në prangat e policisë së fundmi, pasi u kap duke ecur lakuriq në një pishinë të hotelit luksoz në Miami.

Sipas TMZ, 26-vjeçarja, emri i vërtetë i së cilës është Nikita Nguyen dyshohet se kishte shëtitur në zonën e pishinës me kostumin e saj të banjës dhe ishte duke u sjellë çuditshëm.

Lidhur me këtë ngjarje, stafi i hotelit ka pohuar se kur i kërkuan që të vishte rrobat e saj, ajo me dashje hodhi ujë mbi ta. Në këtë moment ata kanë vendosur që të thërrasin edhe policinë.

Megjithatë, në momentin që policia mbërriti atje, 26-vjeçarja ishte tërhequr në dhomën e saj të hotelit dhe po dëgjonte muzikë. Në përpjekje për ta vënë nën kontroll, oficerët e policisë dhe sigurimi i hotelit trokitën në derën e saj disa herë përpara se ajo t’i përshëndeste më në fund. Por kur i thanë se duhej të respektonte rregullat e hotelit, ajo dyshohet se përplasi derën.

Dragun dyshohet se hapi derën dhe u tha oficerëve: “Doni më shumë?” para se t’i hidhte një shishe me ujë. Ajo u arrestua në vend. Pas incidentit, blogerja, e cila ka 8.9 milionë ndjekës në Instagram, u ndëshkua nga policët për sjellje të parregullt.

Ylli i mediave sociale u dërgua në Qendrën Korrektuese Turner Guilford Knight të Miami-Dade County. Megjithatë, është e paqartë nëse ajo është liruar. Kjo nuk është hera e parë që Draguni përfshihet në të tilla polemika.