FOTO+VIDEO/ Adoleshenti theret me thikë nga hajduti

Një turist britanik është goditur me thikë ndërsa përpiqej me guxim të luftonte një bandë prej katër banditësh të dhunshëm që i rrëmbyen çantën në Barcelonë. Pushuesi ishte duke pirë një pije në një tarracë në Placa Sant Josep Oriol pranë Las Ramblas rreth orës 20:00 mbrëmë kur iu rrëmbye çanta.

Viktima vrapoi pas grabitësve dhe arriti të kapte njërin, më pas filloi të  zihej me ta për të marrë çantën që ia kishin marrë.

Më pas hajduti nxori nga xhepi një objekt të mprehtë dhe u përpoq vazhdimisht ta godiste me thikë.

Turisti britanik nuk e kuptoi derisa pa tehun e thikës përballë fytyrës së tij,  e në atë moment ai la të ikte banditin i cili u largua me nxitim së bashku me shoqëruesit e tij.  Një kalimtar i guximshëm u përpoq të ndalonte arratisjen e tyre pa sukses. Të katër u arrestuan pak më vonë.

Këtë javë, ish-futbollisti i Barcelonës,  Pierre-Emerick Aubameyang  u vu në shënjestër të një bande të armatosur, e cila hyri në shtëpinë e tij luksoze, e kërcënoi atë dhe familjen e tij me armë dhe shufra hekuri duke e dëmtuar në fytyrë dhe duke i vjedhur bizhuteri.