Frymëmarrja e mjerueshme e Presidenti Vuçiç dhe taktikat e tij në lidhje me Kosovën

Jovo Bakiç, profesor i sociologjisë në Fakultetin Filozofik të Universitetit të Beogradit, në rolin e “sfiduesit” ka realizuar një intervistë me Dragomir Andjelkoviç, analist politik, me të cilin ai ndau pikëpamjet për çështjet aktuale socio-politike.

BakiC, i njohur për pikëpamjet e tij të guximshme dhe shpesh jokonvencionale dhe mprehtësinë analitike, bëri pyetje intriguese dhe paraqiti hipotezat e tij, ndërsa Andjelkoviç, me përvojë të gjerë në analizën politike, shpjegoi manipulimet e përdorura nga Aleksander Vuçic në pushtet.

Angjelkoviq theksoi se karakterin e fortë kombëtar të Vuçiqit e ka konsideruar më herët pozitiv, pastaj e ka parë se ishte manipulim i pastër dhe se ai idenë kombëtare e përdor vetëm si mjet për të qëndruar në pushtet.

“Ishte ai që ndikoi që unë të jem më nacionalist, por jo aq sa ai. Ndërkohë ndodhi që e pash se ishte një mashtrues ordiner dhe se asnjë ide nuk ka rëndësi për të. Ideja kombëtare e ndihmoi Vucicin të vinte në pushtet sepse serbët votojnë për ata që janë kombëtarë. Votuesi mesatar serb është i ashtuquajturi nacionalist i frikësuar, që do të thotë se dëshiron diçka kombëtare, por ka frikë nga rreziqet. Dhe Vuçiq ishte pikërisht ai kur u shkëput nga radikalët dhe shkoi në rrugën e tij me fjalinë e famshme: ‘Shqiptarët nuk do ta qeverisin veriun e Mitrovicës, as ne nuk do ta sundojmë Prishtinën, kjo është joreale, unë do të udhëheq një politikë diku në mes” – Dhe çfarë ndodhi – sot nuk sundojnë Mitrovicën e Veriut, por Leposaviçin. Në fakt, që kur erdhi në pushtet, Vucic fillimisht ishfuqizoi të gjitha institucionet serbe në Kosovë, pastaj dorëzoi kontrollin e Kosovës, pastaj u bëri thirrje serbëve që të largohen nga institucionet e Prishtinës dhe tani pushteti lokal mbahet nga shqiptarët, dhe kjo është e pakuptueshme” – deklaroi Angjelkoviç duke theksuar se “Vuçic është gati të japë fjalën për gjithçka, mjafton te qendroje ne pushtet për të shpëtuar veten”

Duke folur për një largim të mundshëm nga pushteti, Bakiç nuk e përjashtoi idenë që Vuçic mund ta çojë Serbinë në konflikt, ndërsa Angjelkovic beson se do të ishte shumë rrezik për të dhe se kur të vijë koha që të largohet, ai do të kërkojë ndihmë nga fuqitë e mëdha.