Gara për kreun e PD, ja kush është ‘rivali’ i Lulzim Bashës

Në zgjedhjet e 29 korrikut për kryetar të PD do të garojnë vetëm dy emra. Lulzim Basha dhe Gjergji Hani, ish-i dënuar politik.

Më 8 qershor i ftuar në emisionin “Jashtë Kontrollit” me moderatorin Red Varaku, Gjergj Hani deklaroi ekskluzivisht se do të jetë kandidat për partinë demokratike, garë e hapur së fundmi nga kryesia e PD, që do të zhvillohet më 29 korrik.

Hani dha një sërë arsyesh përse Partisë Demokratike i duhen zëra që të japin kontribut. Gjergj Hani, akuzoi edhe elitën drejtuese të politikës 32-vjeçare të Shqipërisë, për të cilën tha se kanë penguar zhvillimin e shoqërisë.

Pas dorëzimit të kërkesës , pritet një mbledhje e kryesisë së PD-së për formalizuar kandidaturat dhe dy emrat do t’i kalojnë Kryesisë së PD-së për miratim.

Kryesia do të mblidhet brenda datës 23, pasi më 24 qershor fillon fushata për kryetar nëpër degët e PD-së zyrtare.