Gërvalla e bën sërish, “demanton” SHBA-në

Njohjet e reja “nuk pikojnë nga qielli” dhe s’ka fort rëndësi edhe aq “rreth asaj nëse kemi apo s’kemi njohe të reja”; shumë më me rëndësi është se cila është cilësia e marrëdhënieve që shteti kosovar ka me shtetet tashmë njohëse, dhe atë jo vetëm me çfarëdo shtetesh njohëse, por me aleatët jetikë si Shtetet e Bashkuara. Kjo duhet të jetë politika e jashtme.

Këto s’janë komente të bëra nga media, por nga vetë Ministrja e Jashtme, Donika Gërvalla, para më pak se dy vitesh.

Po për kaq kohë, në njërën nga pozita më të rëndësishme shtetërore, atë të pasqyrës së Kosovës me jashtë vendit, Donika Gërvallës s’i janë parë punët e kryera. Që nga fundi i muajit maji e gjer më sot, pasqyra e vendit është e një zone me potencial konflikti qe mund te perfshije gjithe rajonin.

Top-diplomatja kosovare, në këto katër javë kohë, ka dale vetëm njëherë në media; dhe atë për të përgënjeshtruar vetë ShBA’në.

Në konferencën e fundit për media, e pyetur rreth zbehjes së marredhenieve me SHBA, Ministrja e Jashtme Gërvalla u shpreh se “ka entuziazem nga shtetet njohëse dhe në lidhje me integrimet euro-atlantike të vendit.

Jo më larg se dje, Gabriel Escobar deklaroi njoftoi se ishte ShBA’ja që “madje edhe unilateralisht” dhe përkundër vendeve skeptike, e shtyu përpara aplikacionin e Kosovës në Këshill të Evropës. Këtë arritje, Gërvalla e quan “historike” që më shumë se një vit, por pa ia atribuar një trohë merite “entuaziazmit” amerikan.