Gëzim Tushe: Nëse këngëtarja do ta dinte se si po komentohet këtu do të terrorizohej dyfish

Jeta e Parashqevi Simakut është jeta e një vajze apo djali që ndodh që nuk i përballojnë dot sfidat e emigracionit.

Gëzim Tushe tregohet kritik dhe për mënyrën si u trajtua kjo histori në media dhe mungesën e empatisë që mund ti shkaktojë një tjetër goditje të rëndë këngëtares së njohur në Shqipëri, por që sot jetonte si e pastrehë në stacionin e trenit në Nju Jork

“Jam i mërzitur që kjo ngjarje është kthyer në shoqërinë shqiptare në një kaos për një betejë krejt të panevojshme. Parashqevia është një ikonë e muzikë së lehtë. Ata kanë ngatërruar jetën private me atë publike”, tha Gëzim Tushi. Më tej Tushi nënvizoi se jo të gjithë përballojnë sfidat e emigracionit.

“Jo të gjithë djemtë apo vajzat i përballojnë sfidat e emigracionit apo martesat me të huajit në vende të huaja. Pas ngjarjeve që u kanë ndodhur ose i hyjnë rrugëve kriminale ose prostitucionit vetëm për të mos ardhur në atdheun e tyre. Shoqëria jonë i ka qejf të merret me jetën personale të tjetrit sidomos kur ai person është një personazh publik, ata i turren menjëherë. Nëse kjo gjë do t’i kishte ndodhur një njeriu jo të famshëm nuk do të kishte marrë këtë vëmendje”, theksoi Tushi.

“Nëse ajo (Parashqevia) do ta dinte se si po komentohej në opinionin publik shqiptar, ajo do të terrorizohej dyfish më më shumë”, përfundoi ai.