GJKKO në aksion, sekuestron 2 vila në emër të Kryemadhit dhe nënës së saj

GJKKO ka sekuestruar 2 vila të cilat i përkasin deputetes së Partisë së Lirisë, Monika Kryemadhi dhe nënës së saj, Fatime Kryemadhi te rezidencat e Kodrës së Diellit, në Tiranë.

SPAK ka kërkuar vendosjen e sekuestros preventive për pasuritë, kërkesë e cila është pranuar nga GJKKO.

Njoftimi nga GJKKO:

Mbi bazën e kërkesës së SPAK, Gjykata e Posaçme e Shkallës së Parë kundër Korrupsionit dhe Krimit të Organizuar përmes vendimit nr.640 të datë 15 nëntor 2024, ka vendosur masën e sigurimit pasuror ‘Sekuestro preventive’ për dy prona në pronësi të shtetasve F.K dhe M.K.

Kjo masë vjen si vijim i veprimeve hetimore dhe proceduriale në lidhje me procedimin penal nr. 122 të vitit 2022

Pasuritë e sekuestruara janë:

Ndërtesë në Selitë, Tiranë me sipërfaqe;

kati përdhes, 152 m2, nga të cilat 82 m2 banesë dhe 70 m2 verandë;

kati nëntokë 139 m2,

kati i parë 79 m2,

kati i dytë 51 m2, verande kati i dytë 27.9 m2 – në pronësi të shtetases F.K., me adresë Rezidenca “Kodra e Diellit”.

Ndërtesë në Selitë, Tiranë me sipërfaqe;

kati përdhes 152 m2, nga të cilat 82 m2 banesë dhe 70 m2 verandë,

kati nëntokë 139 m2,

kati i parë 79 m2,

kati i dytë 51 m2, verandë kati i dytë 27.9 m2, në pronësi të M.K.,

me adresë Rezidenca “Kodra e Diellit”.

Vendimi i Gjykatës së Posaçme është ekzekutuar nga policia gjyqësore në datat 19 dhe 20 Nëntor 2024, duke vendosur bllokimin e pasurive në regjistrat e Agjencisë Shtetërore të Kadastrës, si dhe duke ua komunikuar këtë vendim pronarëve të pasurive.

***

Një ditë më parë, Apeli i Posaçëm vendosi të lërë në fuqi vendimin e shkallës së parë për Monika Kryemadhin, detyrim paraqitje për akuzat e korrupsionit, pastrimit të parave dhe fshehje pasurie.

Masa u la në fuqi edhe për ish-bashkëshortin e saj, Ilir Meta i cili do të vazhdojë të qëndrojë në burg.