Goditi me çekiç në kokë 55-vjeçarin, arrestohet agresori

Është arrestuar pas 3 ditësh në kërkim, 42-vjeçari në Fier. Ky i fundit, i identifikuar si E. S., 42 vjeç, goditi me send të fortë, çekiç në kokë, një shtetas 55-vjeçar i cili mori plagë të rënda në kokë. Më pas i plagosuri pas marrjes së shërbimit mjekësor, u largua në banesë.

“42-vjeçari ishte shpallur në kërkim pasi më datë 02.05.2023, në lagjen “29 Nëntori”, Fier, dyshohet se për motive të dobëta, ka goditur me send të fortë (çekiç) në kokë, shtetasin Q. H., 55 vjeç, banues në Fier. 55-vjeçari pas marrjes së asistencës mjekësore, u largua në banesë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”, shkruhet në njoftimin e Policisë.