Grabitje me armë, qytetari alarmon policinë, thirrje për ndihmë

Një grabitje me armë dyshohet se ka ndodhur në Valias.

Një qytetar në Valias ka lajmëruar policinë ku ka deklaruar se dy persona me makinë dhe të armatosur e kanë grabitur duke i marrë lekët dhe disa sende me vlerë.

Policia ka nisur hetimet ku po kqyr kamerat e sigurisë në zonë. Nuk përjashtohet as pista e deklarimit të rremë pasi ka dyshime se ngjarja mund të jetë e sajuar nga qytetari pasi deri tani nuk kanë gjetur asnjë gjurmë të mjetit apo të autorëve.

Kjo për shkak se në deklaratën e tij ai nuk ishte shumë i qartë për vendin apo mënyrën sesi e kanë grabitur.