Grusht shteti në Gjermani…Çfarë është “Reichsbürger”

Po planifikonin grusht shteti në Gjermani! Arrestohen 25 persona, do të sulmonin parlamentin në Reichstag

Njëzet e pesë persona janë arrestuar në Gjermaninë të dyshuar për komplot për të rrëzuar qeverinë.

Raportet gjermane thonë se grupi i figurave të ekstremit të djathtë dhe ish-ushtarak planifikonte të sulmonte ndërtesën e parlamentit, Reichstag dhe të merrte pushtetin.

Komplotuesit thuhet se përfshijnë anëtarë të lëvizjes ekstremiste Reichsbürger (Qytetarët e Rajhut), e cila ka qenë prej kohësh në vështrimin e policisë gjermane për sulme të dhunshme dhe teori konspirative raciste. Ata gjithashtu refuzojnë të njohin shtetin modern gjerman, shkruan BBC.

Rreth 50 burra dhe gra dyshohet se kanë qenë pjesë e grupit që thuhet se kanë komplotuar për të përmbysur republikën dhe për ta zëvendësuar atë me një shtet të ri të modeluar sipas Gjermanisë së 1871.

…

Çfarë është lëvizja “Reichsbürger” dhe lidhja me grushtin e dështuar të shtetit në Gjermani

Ata janë radikalë e të dhunshëm dhe nuk e njohin shtetit demokratik të Gjermanisë. Në vitet e fundit, ‘Reichsbürger’ (qytetarët e kamur), kanë tërhequr vëmendjen e autoriteteve gjermane.

Kush janë dhe çfarë rreziku ekspozojnë ata?  

Për ta, kufijtë e Perandorisë gjermane të vitit 1937 ekzistojnë ende. Këta janë të vetëshpallurit ‘Reichsbürger’, që përkthehet ‘qytetarët e pasur’ e themeluar në vitin 1871 dhe ata nuk janë kundër dhunës.

Sikurse raporton Deutsche Welle, lëvizja ‘Reichsbürger’ është e përbërë nga një numër i vogël grupesh dhe individësh, vendndodhja e të cilëve është më së shumti në Brandenburg, Mecklenburg – Pomerania Perëndimore dhe Bavari.

Ata refuzojnë të paguajnë taksa dhe kanë vetëshpallur territoret e tyre të vogla, të cilat i quajnë ‘Perandoria e dytë gjermane’, ‘shteti i lirë i Prusisë, ose ‘Principata e Gjermanisë’.

Anëtarët e këtij grupimi printojnë pasaportat dhe patentat e tyre vetë. Ata madje prodhojnë bluza dhe flamurë me logot e tyre.

Madje, ata me krenari kanë shpallur qëllimin e tyre për të “vazhduar luftën kundër Republikës Federale të Gjermanisë” në faqet e tyre të internetit.

Akte ekstreme dhune

Autoritetet gjermane kanë shprehur vazhdimisht shqetësimin e tyre në lidhje me disponimin e armëve të zjarrit nga ky grupim. Referuar raportit më të fundit të BfV (Bundesamt für Verfassungsschutz) për këtë grupim thotë se ata janë të gatshëm të kryejnë “akte të rënda dhune”.

Referuar zhvillimeve më të fundit gjatë ditës së sotme, ku disa anëtarë të këtij grupi përfunduan pas hakurave, pasi akuzohen për një tentativë grushti shteti ndaj parlamentit në Gjermani, Policia ka gjetur depo të mëdha armësh dhe municionesh gjatë kontrolleve të shtëpive të tyre.

Meqenëse një pjesë e konsiderueshme e grupit përbëhet nga ish-ushtarë të Bundeswehr-it dhe NVA (Ushtria Popullore Kombëtare e Republikës Demokratike të Gjermanisë), mes tyre burra me trajnime speciale ushtarake, grupi konsiderohet veçanërisht i rrezikshëm.

Në vitet e fundit, autoritetet gjermane kanë hequr lejet e armëve për qindra ndjekës të lëvizjes, kjo për arsyen se pasuesit e ‘Reichsbürger’ kanë kryer sulme ndaj oficerëve të policisë gjatë bastisjeve, me pretendimin se ata kanë të drejtë të mbrojnë “pronën e tyre”.

Në vitin 2021, disa ‘Reichsbürger’ ishin mes protestuesve më aktivë kundër kufizimeve të COVID-19, të cilët sulmuan shkallët e ndërtesës së Reichstag-ut në Berlin.