Connect with us

Kronike

Hidhet në erë makina në Tiranë, plagosen shoferi e pasagjeri, policia nxjerr detajet

TIRANË – Një shpërthim i fuqishëm me lëndë plasëse ka ndodhur në orët e para të mëngjesit të sotëm në Tiranë në një makinë tip “Mazda”. Shpërthimi ka ndodhur në një mjet në lëvizje në zonën e Unazës së Re, afër rrethrrotullimit të Selitës, rreth orës 02:50. Si pasojë e shpërthimit janë dëmtuar shoferi M.H. 42 vjeç dhe pasagjeri S.D. 26 vjeç, të cilët ndodhen ndodhen në spital.

Njoftimi i Policisë së Tiranës:

“Më datë 07.01.2022, rreth orës 02:50 të mëngjesit, në Unazën e Re, në afërsi të rrethit të Selitës, në rrethana ende të paqarta ka shpërthyer dyshohet lëndë plasëse në mjetin në lëvizje, me drejtues shtetasin M. H., 42 vjeç dhe pasagjer shtetasin S. D., 26 vjeç. Si pasojë e shpërthimit janë dëmtuar drejtuesi i mjetit dhe pasagjeri, të cilët ndodhen në spital për ndihmë mjekësore. Grupi hetimor nën drejtimin e Prokurorisë  po punon për sqarimin e rrethanave të ngjarjes.’- njofton policia e Tiranës në lidhje me shpërthimin.

Shpërthimi i makinës në Tiranë, dalin emrat e të plagosurve, shoferi me precedentë

Mikel Harizaj dhe Serini Dumi janë dy personat, të cilët u plagosën pas shpërthimit të një lënde plasëse në makinën me të cilën ata po udhëtonin në orët e para të mëngjesit të sotëm në kryeqytet.

Shoferi Mikel Harizaj, 42 vjeç dhe pasagjeri 26-vjeçar Serini Dumi mbetën të plagosur pasi një lëndë plasëse shpërtheu rreth orës 02:50 të mëngjesit në mjetin tip ‘Mazda’ me të cilin udhëtonin e për pasojë u dërguan me urgjencë drejt Spitalit për marrjen e ndihmës së nevojshme mjekësore.

Mikel Harizaj mësohet se është një emër i njohur për policinë, me precedentë të mëparshëm kriminalë, pasi në vitin 2012 ka plagosur me granatë tre persona.

MINUTE PAS MINUTE

Policia ka identifikuar dy personat që mbetën të plagosur si pasojë e një shpërthimi me tritol në orët e para të mëngjesit të sotëm në kryeqytet. Ata janë shoferi Mikel Harizaj dhe pasagjeri Serini Dumi.

Shoferi Harizaj rezulton person me precedentë të mëparshëm penalë, pasi në vitin 2009 ka tentuar që të vrasë me granatë dore tre persona. Ai u arrestua vetëm 3 vite më vonë nga Policia, teksa qëndronte te disa miq të tij në Tiranë.

Harizaj rreth orës 23:00 të datës 10 prill 2009, në Selenicë, për motive të dobëta është konfliktuar me tre shtetas në ambientet e një lokali. Menjëherë pas konfliktit, Mikel Harizaj ka dalë nga lokali dhe ka shkuar në makinën e tij, të cilën e kishte të parkuar afër lokalit nga ku ka marrë një granatë dore, me të cilën ka sulmuar shtetasit e mësipërm.

Nga shpërthimi i granatës u plagos rëndë asokohe shtetasi G. A., dhe më lehtë dy të tjerët. Operacioni për kapjen e tij u bë në Tiranë, pasi Mikel Harizaj ndodhej i fshehur te disa persona, me të cilët kishte lidhje shoqërore. Ndaj tij hu ngrit akuza për vrasje të mbetur në tentativë. Duket se pas vuajtjes së dënimit, ndaj Harizajt ka nisur hakmarrja.

MINUTE PAS MINUTE

Mikel Harizaj dhe Serino Dume, dy personat të cilëve iu bë atentat ditën e sotme në Tiranë, ndodhen në gjendje të rëndë në Spitalin  e Traumës, ata janë në intubim në reanimacion, ndërsa kanë marrë dëmtime të shumta në pjesën e poshtme të trupit, në gjymtyrë. Harizajt dhe Dumes iu bë atentat me tritol në orët e para të mëngjesit të sotëm, ku automjeti tip ‘Mazda’ me të cilin ata udhëtonin u hodh në erë nga shpërthimi.

Related Topics:
Advertisement
Click to comment

Leave a Reply

Your email address will not be published. Required fields are marked *