Humb kontrollin dhe del jashtë rrugës, makina përfundon mes ndërtesës dhe kodrës

Aksident i frikshëm tek rruga që shkon drejt Kishës së Laçit ku E.Ç, duke drejtuar një automjet tip Porsche, ka humbur kontrollin e mjetit.

Automjeti ka dalë nga rruga dhe ka përfunduar pranë një ndërtesë. Si pasojë e aksidentit, drejtuesi i mjetit dhe pasagjerja, shtetasja angleze D.S, 26 vjeçe, janë dërguar për ndihmë mjekësore në Spitalin e Traumës, jashtë rrezikut për jetën.

Shërbimet policore ndodhen në vendngjarje dhe po punojnë për sqarimin e rrethanave të aksidentit.