Humbja e dy persona/ Osmani: Vdekja ka tronditur gjithë Kosovën

Presidentja Vjosa Osmani ka shprehur ngushëllime për vdekjen e dy qytetarëve nga vërshimet në Pejë. Me anë të një postimi në rrjetin social Facebook, ka thënë se përkrahja për Komunën e Pejës duhet të vazhdojë.

“Humbja e dy qytetarëve tanë si pasojë e vërshimeve në Pejë ka tronditur gjithë Kosovën. I shpreh ngushëllimet më të thella familjarëve, miqve, kryetarit të Komunës z. Gazmend Muhaxheri dhe gjithë qytetarëve të komunës së Pejës për këtë humbje të madhe e kaq tragjike”.

“Forca e Sigurisë së Kosovës dhe gjithë institucionet e tjera që merren me emergjenca të tilla janë në Pejë që nga mbrëmë duke ofruar ndihmën dhe përkrahjen e tyre. Në këto momente të rënda, është me rëndësi që përkrahja të vazhdojë në mënyrë që Komuna e Pejës të përballojë dhe të rikuperohet nga kjo situatë e vështirë e tragjike”, ka shkruar Osmani.