I ftohtë si një i vdekur/ Lule dhe qiri për Vuçiçin

Shkrimtari dhe gazetari serb Tomislav Markoviç tha se Aleksandar Vucici e admiron Vladimir Putinin, presidentin e një vendi ku është krim të lësh lule dhe të ndezësh qiri për viktimat e pafajshme.

Në një tekst autorial, shkrimtari serb e përshkruan si të ftohtë emocionalisht, Vucicin, i cili e krahasoi vdekjen e një opozitari rus me vdekjen e Slobodan Millosheviçit në burgun e Hagës.

“Vuçiq nuk i fsheh synimet e tij, pavarësisht se ai gënjen Ursula von der Leyen se Serbia dëshiron të vazhdojë dhe të përshpejtojë integrimin evropian” – shkruan Markoviç

“Në Mynih para pak ditësh u mbajt një konferencë për sigurinë, ku ishin të pranishëm liderë të fuqishëm botërorë, mes tyre edhe presidenti i Serbisë, Aleksander Vuçic. Tingëllon pak si shaka, por vetëm sepse realiteti prej kohësh është bërë shaka e padurueshme dhe si ka mundësi që ishte edhe  ky ‘Destabilizues’ në një forum që merret me çështje të sigurisë dhe stabilitetit të botës?

E ftuan që t’u shpjegojë se cili ishte roli i shtetit të Serbisë në sulmin terrorist në Banjskë? Për ta pyetur deri ku ka arritur hetimi? Pse lideri i grupit terrorist Milan Radoiçic u lirua, sikur të kishte kryer ndonjë kundërvajtje? Ndoshta konferenca ishte një mundësi e mirë që ata të flisnin se përse Vuçic po destabilizon të gjithë rajonin, e me këtë edhe Evropën, me një program që përkon çuditërisht me planet e Kremlinit?| – shkruan Markoviç, i cili kujton edhe se sigurisht qe nuk u diskutua për këto tema dhe se vetëm senatorja amerikane Jean Shahin pas takimit me Vuçicin dhe Kurtin tha se Radoiçic duhet të arrestohet dhe të futet në burg.

“Vuçicit i thanë se nuk mund të ulet më në dy karrige, se do të duhej të zgjidhte: Rusinë apo Evropën. Sikur jo shumë kohë më parë kishte zgjedhur të ishte aleati i vetëm i Vladimir Putinit në këtë pjesë të botës. Në fund të fundit, Vuçic nuk i fsheh synimet e tij, pavarësisht se ai gënjen Ursula von der Leyen se Serbia dëshiron të vazhdojë dhe të përshpejtojë integrimin evropian” – potencon shkrimtari serb.

Ai kujton se gjatë konferencës mbërriti lajmi për vdekjen e opozitarit rus Alexei Navalny, kundërshtarit kryesor të Putinit, i cili vdiq në burg, në një koloni të largët të Arktikut, disa mijëra kilometra larg Moskës. Të mbledhurve në konferencë iu drejtua gruaja e tij, Yulia Navalny, e cila I tha Putinit dhe bashkëpunëtorëve të tij se do të sillen para drejtësisë për të gjitha keqbërjet që kanë kryer.

“Po kur Yulija Navaljna doli në skenë, të gjithë në sallë u ngritën në këmbë dhe Vuçiç mezi ia doli të lëvizte nga vendi, ndër të fundit. Të gjithë e përshëndetën gruan e Navalny-t me duartrokitje të forta, vetëm ky i verbëri yni refuzoi dhe sfidoi të duartrokiste, duke dërguar një mesazh të qartë se nuk ka simpati për viktimat e regjimit të Putinit. Në ditët në vijim, ai konfirmoi se nuk ishte një rastësi dhe një incident, por një politikë konsistente pro Kremlinit. Ndërsa e gjithë bota dërgon telegrame ngushëllimi dhe dënon regjimin kriminal të Vladimir Putinit, duke e fajësuar atë për vrasjen e Navalny, autoritetet serbe nuk e vuajnë ngjarjen” – shkruan Markoviç duke shtuar:

“Pas kthimit në Serbi, Vuçic beri komente për vdekjen e Navalny, duke shpjeguar veprimet e tij. I frohtë si një i vdekur, ai e krahasoi vdekjen e  opozitarit rus në një gulag siberian me vdekjen e Slobodan Millosheviçit në burgun e Hagës. Ai nuk kishte asgjë për të qortuar veten dhe konsideroi se gjithcka e beri si njeri dinjitoz. Që nga fillimi i luftës së Rusisë kundër Ukrainës, Vuçic vazhdimisht përsërit se në të gjithë botën perëndimore ka unanimitet, se të gjithë kanë të njëjtin mendim dhe ai është i vetmi njeri i lirë që ka mendim të ndryshëm nga te tjerët.

Në të vërtetë, shpesh është virtyt të jesh i ndryshëm nga të tjerët, sepse shumica shpesh mund t’i nënshtrohet paragjykimeve dhe t’u nënshtrohet opinioneve të pritura. Megjithatë, kjo nuk do të thotë se shumica e ka gjithmonë gabim. Shumica e njerëzve nuk janë hajdut xhepash të bashkëudhëtarëve në transportin publik dhe pakica që e bën këtë nuk e konsideron veten si individë të pavarur të imunizuar ndaj normave të imponuara kolektive. Ata janë thjesht hajdutë xhepash dhe kriminelë.

Shumica e njerëzve nuk e mbështesin pushtimin e Ukrainës nga Putini, rrafshimin e qyteteve, vrasjet masive të civilëve dhe krimet e panumërta të luftës, por ka disa shtetarë që i shohin me sy të mirë këto akte.

Kjo nuk do të thotë se janë të pavarur, dashamirës të lirisë, por se janë kryesisht kukulla të Putinit ndaj te cilit, Vuçiç, ky autokrat i ndershëm i një vendi të vogël ballkanik, ndjen zili per kreun e Kremlinit…