I hidhet benzin zjarrit/ Janjiç komenton paralajmërimin për luftë të re në Ballkan

Dushan Janjiç, analist politik dhe drejtor i Qendrës për Marrëdhënie Etnike, shpjegoi pse është i rëndësishëm paralajmërimi i presidentit ukrainas në lidhje me një konflikt të mundshëm në Ballkan.

“Nga viti 2022 po përflitet se mund të ketë konflikt të armatosur në Ballkan. Ballkani, përfshirë Bullgarinë dhe Turqinë, është një krah i krizës së Lindjes së Mesme. Zelensky ndjek të gjitha ngjarjet dhe ato lidhen. Deklaratat e Zelenskit po i hedhin vaj zjarrit. Nuk ka luftë mes Serbisë dhe Kosovës. Paralajmërimi është gjithmonë i rëndësishëm, por nuk do të ketë konflikt. Zelensky bëri një lëvizje marketingu, që Bashkimi Europian dhe SHBA të mos harrojnë Ukrainën. Gaza është bërë një provë e madhe për politikën perëndimore dhe veçanërisht amerikane dhe NATO-n! Milorad Dodik nuk ka mbështetje masive! Nuk ka qeveri në Bosnje Hercegovinë që do të ishte pro luftës. Nga ana tjeter edhe Serbia nuk është në gjendje të udhëheqë një luftë. Nuk jemi në vitin 1999” – deklaroi  Janjiç

Analisti I njohur tha gjithashtu se rusët janë në pritë.

“Rusia është dakord me luftën mes Izraelit dhe Palestinës, por që Rusia është pas asaj që po ndodh në Gaza, nuk është e vërtetë! Moska nuk mund ta organizonte këtë. Përsa i përket deklaratës së Zelenskit: le të mos gënjejmë veten; nuk është koha qe kombet e vegjël te bëjnë politike të madhe” – potencoi Janjiç duke shtuar se “Nëse Dodik do të sulmonte Bosnjë-Hercegovinën, do të ishte një kryengritje kundër pranisë ndërkombëtare në Bosnje-Hercegovinë. Ai nuk do mund të mbijetonte”