Bota
I përfshirë në skandalin e dosjes Epstein, ish- Princi Andrew largohet nga Royal Lodge
Ish-Princi Andrew është larguar nga rezidenca Royal Lodge në Windsor dhe është zhvendosur në Sandringham Estate, në Norfolk, pas publikimit të dosjeve më të fundit që lidhen me financierin Jeffrey Epstein, zhvillim që ka rritur sërish presionin ndaj tij.
Edhe pse Pallati kishte njoftuar se zhvendosja do të ndodhte në fillim të vitit 2026, reagimet pas publikimit të dokumenteve të reja Epstein duket se e kanë përshpejtuar këtë vendim.
Largimi nga Royal Lodge ishte paralajmëruar që në muajin tetor, në të njëjtën kohë kur Andrew humbi zyrtarisht titullin e princit. Sandringham Estate është pronë private e Mbretit Charles III, i cili do të mbulojë shpenzimet e qëndrimit të vëllait të tij. Burime mbretërore bëjnë të ditur se destinacioni i tij përfundimtar pritet të jetë Marsh Farm, brenda të njëjtës pronë.
Situata e Andrew ka qenë një sfidë e vazhdueshme për Familjen Mbretërore, ndërsa mënyra e menaxhimit të çështjes së tij është kritikuar për mungesë vendosmërie. Qëndrimi i tij në Royal Lodge ishte kthyer në simbol të debatit publik mbi privilegjet, transparencën dhe përdorimin e fondeve publike, për shkak të lidhjeve me Epstein.
Tronditet Teherani/ Plagoset djali i Ali Khameneit, i përfolur si trashgimtar i fronit
Presidenti i Emirateve të Bashkuara Arabe i drejtohet popullit: Ju premtoj se do t’ju mbrojmë
SHBA përgatitet për hapin e radhës të sulmeve në Iran? Bombarduesit B-2 amerikanë vendosen në bazat britanike
Nga vajza e ish-deputetes te Kejsi Tola e Alesia Bami, kush janë VIP-at shqiptarë që kanë ‘ngecur’ në Dubai
“Do të godasim krimin dhe zyrtarët që e ndihmojnë”/ SPAK ndan mesazhin e Klodjan Braho
Teherani në pritje të liderit të ri fetar, Asambleja vendos brenda 24 orësh
SHBA forcon praninë ushtarake në Lindjen e Mesme/ Dërgon aeroplanmbajtësen e tretë drejt rajonit
