I shpallur në kërkim ndërkombëtar për drogë, 25-vjeçari nga Laçi arrestohet në Spanjë

Algert Zeneli, 25-vjeç ka rënë në prangat e policisë së Spanjës.

25-vjeçari nga Laçi ishte në kërkim për “Kultivim i bimëve narkotike”, “Prodhimi dhe shitja e narkotikëve”, “Grupi i strukturuar kriminal” dhe “Kryerja e veprave penale nga organizata kriminale”

Njoftimi i plotë:

Vijon intensivisht bashkëpunimi me partnerët, për kapjen e shtetasve në kërkim ndërkombëtar.

Si rezultat, u finalizua një tjetër fazë e operacionit ndërkombëtar “The Wanted”.

Gjykata e Shkallës së Parë e Juridiksionit të Përgjithshëm Shkodër, në vitin 2023, i ka caktuar këtij shtetasi, masën e sigurisë “Arrest në burg”, për veprat penale “Kultivim i bimëve narkotike”, “Prodhimi dhe shitja e narkotikëve”, “Grupi i strukturuar kriminal” dhe “Kryerja e veprave penale nga organizata kriminale ose grup i strukturuar kriminal”.

Shtetasi A. Z. akuzohet se në bashkëpunim me shtetas të tjerë, në vitin 2023, ka kultivuar 10 900 bimë narkotike Cannabis Sativa, në fshatin Kir, njësia administrative Pult, dhe në afërsi të fshatit Theth, Shkodër.

Interpol Tirana, në bashkëpunim me Interpol Madridin, vijon punën për finalizimin e procedurave të ekstradimit të këtij shtetasi, në Shqipëri.