Ikën KFOR, ura mbetet bosh/ Lëvizja e fundit e NATO-s mbi Ibër

“Për kryeministrin e Kosovës Albi Kurti nuk është e tepërt vetëm Serbia në Kosovë, por edhe bashkësia ndërkombëtare. Kjo është arsyeja pse ai dëshiron të tregojë se Prishtina ka sovranitetin që i mundëson t’i mohojë KFOR-it mikpritjen, nëse dëshiron, për çështjen e urës në Ibër. Kjo tani është kriza më e thellë në marrëdhëniet mes Prishtinës dhe Kvintës deri më tani” – keshtu tha per median serbe ‘Danas’ analisti politik Ognjen Gogić.

Sipas tij, hapja e urës në Ibër nuk është më problem vetëm në marrëdhëniet mes Beogradit dhe Prishtinës me serbët dhe shqiptarët, por është edhe problem mes kryeministrit të Kosovës dhe bashkësisë ndërkombëtare. Tani Përderisa, siç thotë ai, masat e mëparshme të njëanshme të Qeverisë së hapja e urës u shndërrua në përpjekje për të vënë në pikëpyetje funksionimin e misioneve ndërkombëtare.

“Kushti që ura të hapet për qarkullim rrugor është që karabinierët të tërhiqen prej saj. Dhe pasi që KFOR-i ka deklaruar shprehimisht se nuk ka ndërmend të tërhiqet, alternativa e vetme është që policia e Kosovës të përpiqet t’i largojë me forcë karabinierët nga ura. Kjo tingëllon si një opsion i pamundur. Për këtë arsye, KFOR-i njoftoi se nuk do të hezitojë të përdorë “të gjitha masat e nevojshme” për të parandaluar destabilizimin, që është eufemizëm për përdorimin e forcës” – ka vlerësuar Gogic.

Sipas tij, deklaratat e ambasadorit Hovenier për rrezikun ndaj ushtarëve amerikanë sugjerojnë gjithashtu se KFOR-i është i vetëdijshëm se ekziston rreziku i konfliktit me policinë e Kosovës.

Gogic u shpreh gjithashtu se Beogradi dhe serbët në veri të Kosovës janë përcaktuar qartë ne qendrime dhe tani duhet të rrinë anash dhe t’ua lënë shteteve të QUINT – it që t’i zgjidhin marrëdhëniet me Prishtinën. Sipas tij, Albin Kurti po përpiqet të bëjë luftë psikologjike kundër KFOR-it.

“Nëse KFOR-i dorëzohet dhe pranon të tërhiqet nga ura për shkak të kërkesave të Prishtinës, atëherë prania e tij në Kosovë e humb kuptimin dhe të gjithë ushtarët duhet te largohen dhe të shkojnë në shtëpi” – potencoi analisti serb.