Iu gjetën 5 thasë kanabis në bagazhin e makinës, arrestohet në Durrës

Një 42-vjeçar është vënë në pranga nga Policia Durrës, pasi këta të fundit i gjetën 5 thasë kanabis, me peshë totale 26 kilogramë në bagazhin e mjetit të tij. Në pranga ka rënë Marjan Kurti, 42 vjeç, banues në Fushë Krujë.

Njoftimi i policisë:

“Në kuadër të këtij operacioni, shërbimet e Forcës së Posaçme “Shqiponja” të DVP Durrës, në fshatin Ishëm, kanë ndaluar për kontrolle automjetin tip “Benz”, me drejtues shtetasin M. K. Gjatë kontrolleve, në bagazhin e këtij automjeti, u gjetën 5 thasë me lëndë të dyshuar narkotike cannabis sativa, me peshë totale 26 kilogramë, sasi e cila u sekuestrua me cilësinë e provës materiale. Në vijim të veprimeve procedurale për këtë rast, specialistët e Sektorit për Hetimin e Narkotikëve të DVP Durrës arrestuan në flagrancë shtetasin M. K., 42 vjeç, banues në Fushë Krujë, për veprën penale “Prodhimi dhe shitja e narkotikëve”. Materialet procedurale i kaluan Prokurorisë pranë Gjykatë”, njofton policia.