‘Jam afruar me Zotin! Dua të rrëfej të vërtetën edhe për vrasjen e Paulës’

Vrasësi i dyshuar i dy grave, italiani Marco Romeo  i ka dërguar një letër gjykatës, në të cilën ai siguron se dëshiron të rrëfejë krimin e vrasjes së Paulës majin e kaluar dhe të tregojë gjithçka që ka ndodhur, sepse që kur hyri në burg ai ka pasur “një marrëdhënie shumë të ngushtë me Zotin dhe është plotësisht i penduar”.

Shtetasi italian ka siguruar se do të rrëfejë faktet para gjyqtarit dhe siç ka shkruar në letër, kërkon të tregojë se si kanë ndodhur ngjarjet.

Lidhur me krimin e Paulës, ai pohon se ka pasur një përleshje të mëparshme mes të dyve dhe se pas një përleshjeje e kapi nga qafa dhe e hodhi në tokë. Ajo bërtiti për ndihmë, por ai e vrau. Ai thotë se nuk i kujtohet gjë tjetër, pasi e kapi paniku dhe iku.

Krimi i Sibora Gaganit

Eshtrat e viktimës u gjetën të mbështjella me çanta dhe brenda një kutie druri pas një muri të dyfishtë qershorin e kaluar. Ai tha se se i vjen keq “që bëri diçka kaq të neveritshme”.

Marco Romeo rrëfeu majin e kaluar se kishte murosur ish-të dashurën e tij Sibora përpara një deklarate gjyqësore dhe tha se kishte përdorur acid për të zhdukur trupin.

Sibora Gagani u shpërngul me Marcon në Costa del Sol në vitin 2011 dhe u zhduk më 7 korrik 2014, menjëherë pas ndërprerjes së marrëdhënies me të.

Hetimi për zhdukjen e Gaganit rifilloi disa ditë pasi Marco u arrestua për vrasjen me thikë të ish-partneres së tij Paula në një shtëpi tjetër në Torremolinos.

Pas disa kontrolleve në banesën që kishin jetuar ata, u gjetën eshtrat.