Juliana Nura thyen heshtjen për ndarjen: Nuk mbaj lidhje të fshehta, por vizioni për jetën na ndau

Juliana Nura ka vendosur të flasë hapur për ndarjen nga i dashuri, duke sqaruar publikisht arsyet që çuan drejt këtij vendimi. Ish-finalistja e Big Brother VIP Kosova 1 ka qenë gjithmonë e drejtpërdrejtë me publikun e saj dhe këtë qasje e mban edhe tani.

“Unë çdo person me të cilin kam qenë në lidhje dhe nuk kam pasur shumë lidhje – çdo herë i kam bërë publike. Nuk mbaj lidhje të fshehta,” u shpreh Juliana. “Kur e bëj publike një lidhje, dije që unë e dua atë person.”

Ajo theksoi se ndarja nuk e ka zbehur ndjenjën që ka pasur për ish-partnerin e saj. “Edhe pse nuk jam më bashkë me atë person, prapë e dua. Kam ndjesinë e mirë që e ruaj me fanatizëm dashurinë që kam pasur me të dhe ende e mbaj.”

Sipas Julianës, distanca dhe mospërputhja e vizionit për të ardhmen ishin faktorët kyç që çuan në fundin e marrëdhënies. “Ai jeton në një shtet tjetër, unë në një tjetër. Problemet fillojnë kur dy njerëz nuk kuptohen – sidomos për të ardhmen. Unë e kam vizionin te familja dhe biznesi. Nëse ai nuk përputhet me këtë, atëherë vetëm humbasim kohë.”

Influencerja zbuloi gjithashtu se mënyra se si u komunikua ndarja publikisht ishte e ndryshme nga palët. “Ai vendosi t’ia tregojë publikut ndryshe. Unë vendosa të mos e tregoj ashtu, sepse të gjitha gjërat dalin në shesh,” tha ajo.

Me këtë rrëfim të sinqertë, Juliana Nura rikthehet në vëmendje jo për drama, por për qartësi duke konfirmuar edhe një herë se për të, dashuria dhe transparenca janë parime që nuk i negocion.