Juventus lë me pasoja Interin

Inter humbi 2-0 me Juventusin në Torino, me sfidën që vlente për javën e 13 në Serie A. Zikaltërit nuk kanë mundur të fitojnë asnjë nga ndeshjet kundër rivalëve direkt këtë sezon, me drejtuesit që janë të zhgënjyer në lidhje me performancën e lojtarëve dhe trajnerit Inzaghi. Gazzetta dello Sport bën me dije se këtë të martë do ketë një takim mes drejtuesve më të lartë të Interit dhe trajnerit Inzaghi. Në Appiano Gentile drejtuesit kërkojnë të “shkundin” trajnerin, teksa nuk parashikohen masa ekstreme. Objektiv tanimë është tri pikëshi nesër në shtëpi kundër Bologna dhe paraqitja e mirë në kampionat për të mos diskutuar pjesëmarrjen në Champions League gjatë sezonit tjetër.