Kafshoi stafin, qeni i Joe Biden dëbohet nga Shtëpia e Bardhë

Qeni i familjes së presidentit Joe Biden, Commander, është larguar nga Shtëpia e Bardhë, raporton CNN. 

Gjatë javës së kaluar qeni i presidentit amerikan kafshoi një agjent të Shërbimit Sekret të cilit ju dha menjëherë ndihma e nevojshme mjekësore. Rasti i fundit ishte hera e 11-të që qeni kafshon një roje tjetër. Çifti Biden e ka dërguar qenin gjerman dyvjeçar të stanit, të quajtur “Komandant”, në një vend të panjohur, ndërsa Shtëpia e Bardhë studion “hapat e ardhshëm” që do të ndërmarrë.

Kjo është kafsha e dytë e Presidentit Biden që e largojnë nga Shtëpia e Bardhë për shkak të sjelljes, pasi qenin gjerman të stanit “Major” e dërguan të jetonte me miqtë e familjes në shtetin e Delaware-s, në verilindje të vendit.