KATAR 2022/ Argjentina shpallet Kampione Bote

Kylian Mbappe

KATAR- Nata e golave, Franca barazon Argjentinën, Mbappe “mbret” i ndeshjes. 23-vjeçari Kylian Mbappe barazon ndeshjen në 3-3 nga pika e bardhë e penalltisë. Një prekje me dorë në zonë bëri që arbitri për të tretën herë të akordonte 11-metërsh, me Mbappe që barazon 3-3, duke mbajtur Francën ende në lojë për Kupën e Botës.

KATAR- Argjentina ka marrë përparësi në ndeshjen e sotme kundër Francës. Lionel Messi shënoi golin e dytë në ndeshje dhe i dha epërsinë Argjentinës në pjesën e dytë të kohës shtesë.

Stadiumi sapo ka shpërthyer në eufori, dhe një brohoritje edhe më e madhe pati kur goli i Messit u konfirmua. Ai tani po kryeson sërish garën për Këpucën e Artë, sepse ka avantazhin në asistime, barazimin e çmimit.

Pogba dhe Ibrahimoviç

KATAR– Zlatan Ibrahimoviç dhe Paul Pogba janë të pranishëm në finalen e Kupës së Botës në “Lusail Stadium”. Mesfushori i Juventus, Pogba ishte i dëmtuar dhe Deschamps nuk e grumbulloi për në Katar 2022. Në tribunat e stadiumit edhe Ibrahimovic, që është takuar me presidentin e Francës, Emmanuel Macron.

Kylian Mbappe

KATAR- Rrufeja ka goditur dy herë për Argjentinën. Holandezët ua bënë këtë më herët në turne. Tani Franca është rikthyer vonë nga 2-0 për të rikthyer barazinë.

I gjithë momenti është i Francës tani. E megjithatë deri në minutën e 67-të, ata nuk kishin pasur asnjë goditje në portë, derisa Mbappe e çoi dy herë në rrjetë topin.

Momenti i ndërhyrjes

KATAR– Penalltia e dytë, Franca nuk gabon! Shënon Mbappe. Kolo Muani futet pas mbrojtjes franceze dhe tërhiqet zvarrë nga Nicolas Otamendi. Nga askund, kjo është një litar shpëtimi për Francën.

Emi Martinez shkon në rrugën e duhur, por goditja e Kylian Mbappe ishte fatale. Arbitri vendosi për një 11 metërsh, i cili u ekzakutua pastër nga Kylian Mbappe.

Lionel Messi

KATAR – Duke e bërë këtë, Messi u bë lojtari i parë në historinë e Kupës së Botës që shënon në çdo fazë të turneut nga grupet deri në raundin e 16-të, çerekfinale, gjysmëfinale dhe tani finale. Gjithashtu i vuri atij një gol më shumë (gjashtë) se ylli francez Kylian Mbappe që janë në garën për Këpucën e Artë të Katarit 2022.

Një tjetër rekord i Kupës së Botës ra gjithashtu kur ajo penallti goditi rrjetën, pasi ai u bë lojtari me më shumë gola të përfshirë ndonjëherë në kompeticion. Ai është personi i parë që arrin në 20 gola (12 gola, 8 asistime), duke mposhtur Miroslav Klose (16 gola, tre asistime), Ronaldo Nazario (15 gola, katër asistime) dhe Gerd Muller (14 gola, pesë asistime).

Rekordi tjetër që Messi gjithashtu ka arritur të vendosë tani është minuta më e madhe e një lojtari në historinë e Kupës së Botës.

Duke kaluar minutën e 24-të, ai uzurpoi rekordin e ikonës së Italisë, Paolo Maldini, prej 2,217 minutash të luajtura. Nëse Argjentina vazhdon të mbajë epërsinë kundër Francës dhe të ngrejë Kupën e Botës, kjo do të çimentonte trashëgiminë e tij si një nga lojtarët më të mëdhenj që ka luajtur ndonjëherë këtë lojë.

3 ORE ME PARE

KATAR– Minuta e 38 dhe Argjentina ka shënuar sërish. Kësaj here rrjetën e Lloris e ka tundur Angel Di Maria.

Argjentinë-Francë është finalja e madhe e Kupës së Botës në Katar. Të dyja kombëtaret synojnë trofeun e tretë në histori. Trajnerët Lionel Scaloni dhe Didier Deschamps zbulojnë edhe kartat teksa në fushë për Argjentinën rikthehet Angel Di Maria.

KATAR– Shënon Messi, Argjentina më pranë titullit. Topi ndodhej në buzë të zonës së Francës. Alvarez e godet me zgjuarsi drejt Di Marias në të majtë. Di Maria driblon përpara Dembele dhe hyn në zonën e kuqe, ku edhe u prek nga Dembele. Arbitri reagoi në vend është akorduar penallti!

Messi bëri detyrën dhe shënoi duke kaluar në avantazh dhe më pranë titullit Argjentinën.

KATAR – Disa shqetësime të hershme për Francën në dukje..menjëherë pas pak minutave që lojtarët e saj dolën në fushën e lojës.

Kylian Mbappe largohet herët nga nxemja bashkë me Olivier Giroud që thuhet se ndjen një dhembje të lehtë gjurin e tij.

Kështu raportojnë gazetarët e pranishëm në stadium pak minuta nga starti i superfinales mes Argjentinës dhe Francës të vlefshme për Kupën e Botës Katar 2022.

KATAR – Më shumë se 50,000 argjentinas kanë udhëtuar në Doha për të parë finalen e madhe të Kupës së Botës mes Argjentinës dhe Francës.

Mes tyre është sigurisht edhe familja e Lionel Messit, të cilët ndodhen në Katar që në ditën e parë të turneut, ndërsa Wanda Nara mbërriti vetëm dje .

Agjentja dhe biznesmenja e njohur që ka bërë dy martesa, me Maxi Lopez dhe Mauro Icardi, ka udhëtuar për në Doha me tre djemtë e saj dhe mbrëmjen e së shtunës ka pasur mundësinë të darkojë me nënën e Messit.

Wanda dhe Celia patën rastin të flisnin për Kombëtaren vetëm disa orë para finales dhe Nara postoi një foto dhe shkroi: “Darkë e bukur në Doha, ju premtoj se përqafimi ishte aq i fortë sa ishte për të gjithë ne.. S I love Celia ♥️”.

Veç numrit 1 të futbollit tonë Duka mban edhe statusin e antarit të Komitetit Ekzekutiv të UEFA-s, për të cilin do të të duhet të tentojë rizgjedhjen për 4 vitet e ardhshme në Asamblenë Zgjedhore të UEFA-s që do të zhvillohet në 6 mujorin e parë të vitit të ardhshëm.

Burime për Dosja.al ai do të kthehet nga Katari sëbashku me emrin e trajnerit të ri të Kombëtares, pas ceremonisë përmbyllëse të kontratës së Edoardo Rejas i cili tashmë ka mbyllur llogaritë me pankinën kuqezi.

KATAR – Nuk do të mungojë as Shqipëria në këtë finale të madhe, se tifozët shqiptarë sigurisht që jo. Një pjesë e tyre kanë bërë të dukemi edhe ne në futbollin e madh botëror duke shfaqur flamurin kombëtarë kuqezi në Lusail Stadium përpara ceremonisë së startit të ndeshjes së madhe Argjentinë-Francë.

Për Dosja.al një nga tifozët na demostron flamurin kuqezi në tribunat e stadiumit ku është përqendruar edhe vëmendje më e madhe e të gjithë sportëdashësve dhe jo vetëm për këtë pasdite.

Megjithëse skuadra jonë përfaqësuese ende nuk ka mundur të marrë pjesë në finalet e një Kampionati Botëror, për momentin na duhet të kënaqemi edhe me ekspozimin e flamurit tonë, jo në fushë por në tribunat e këtij eventi.

KATAR – Tashmë nuk ka dyshime se cilët do të jenë 22 lojtarët që do të startojnë nga minuta e parë finalen e madhe të Botërorit mes Francës dhe Argjentinës

France XI: Lloris; Koundé, Varane, Upamecano, T.Hernandez; Griezmann, Tchouaméni, Rabiot; O.Dembélé, Mbappé, Giroud.

Tek kombëtarja e “Gjelave” duket se e kanë mundur gripin dhe janë të gjtihë të gatshëm, por edhe Argjentina e Skalonit nuk ka gjë për të ndryshuar nga ky rrugëtim i suksesshëm i tij në këtë Botëror deri në këtë ditë të finales së madhe.

Argentina XI: Martínez; Molina, Romero, Otamendi, Acuña; Di María, De Paul, Fernández, Mac Allister; Messi, Álvarez.

SPANJE – I munguari i madh i fanles Francë-Argjentinë është padushim numri 9 i francezëve fituesi i Topi të Artë të këtij edicioni Karim Benzema. Ditët e fundit ai është kthyer në çështje nga dëshira për të ardhur, dhe leja që i dha Reali i Madridit, tek frenimi që i bëri trajneri Didier Deschamps.

Megjithatë pak orë përpara finales ylli madrilen shfaqet në rrjetet e tij sociale me një shprehje…”Erdhi ora, Forca Blutë, të gjithë sëbashku forca…” një koment i shoqëruar me posterin e finales së Botërorit Francë-Argjentinë e ku në krye ndodhen emblemat e këtyre skuadrave Lionel Messi dhe Kilian Mbappe.

Karim benzema përfundimisht vendosi ta shoh këtë finale nga shtëpia e tij duke refuzuar edhe ftesën zyrtare të presidentit të republikës Emanuel Macron.

KATAR – Çmenduri në këtë ditë të finales së Botërorit “Katar 2022” midis Argjentinës dhe Francës, janë nga më të ndryshmet. Një e tillë, nëse mund të themi kështu, është ajo e reperi Drake, i cili ka vënë bast 1 milion dollarë që skuadra ‘Albiceleste’ e Argjentinës do të fitojë Kupën e Botës.

Muzikanti kanadez ka postuar një pamje të bastit në rrjetet sociale. Nëse Argjentina fiton ndaj Francës, Drake do të fitojë 2.750.000 dollarë. Por ndërkohë, duhet thënë se skuadrat apo sportistët që ai mbështet apo fotografohen me të humbasin.

FRANCE – Agjencia e Transportit Urban të Parisit (RATP) ka njoftuar se stacioni i metrosë “Argjentina” do të riemërtohet përkohësisht “Francë” në prag të finales së madhe të Kupës së Botës mes dy vendeve!

Në këtë mënyrë, tabelat në platformat e stacionit, i cili ndodhet midis qarkut 16 dhe 17 të kryeqytetit francez , tregojnë tashmë fjalë si “Francë” ose “Allez les Bleus”!

Ndryshimi do të zgjasë disa orë për të shmangur çdo konfuzion për pasagjerët.

KATAR – I liruar më 8 korrik nga drejtësia në gjyqin e tij për korrupsion, por i rikthyer kundër anëtarëve të FIFA-s, Michel Platini refuzoi ftesën e Emmanuel Macron për të marrë pjesë në finalen e Kupës së Botës të dielën, sipas informacioneve nga Europe 1.

Sipas informacioneve të publikuara nga Europe 1 të premten, Michel Platini refuzoi ftesën e Emmanuel Macron për të marrë pjesë në finalen e Kupës së Botës të dielën në Katar. Ish-futbollisti i kombëtares franceze nuk dëshiron të takohet me anëtarët e FIFA-s, të cilët i konsideron përgjegjës për një manipulim politiko-gjyqësor me qëllim largimin e tij nga pushteti.

Pas gjashtë vitesh hetime dhe dy javësh gjykim, Platini u shpall i pafajshëm nga gjykatat më 8 korrik në gjyqin e tij për korrupsion. Këtë verë, ish-drejtuesi i bluve u shpreh: “Në këtë rast ka fajtorë që nuk u paraqitën në këtë gjyq. Le të më llogarisin edhe mua, do të takohemi përsëri. »

Michel Platini dyshon veçanërisht për presidentin e FIFA-s, Gianni Infantino, ish-krahu i tij i djathtë në UEFA nga viti 2007 deri në vitin 2016.

KATAR – Del formacioni i ekipit. Munguan kundër Marokut të mërkurën, Dayot Upamecano dhe Adrien Rabiot kthehen në formacionin fillestar të bluve për të sfiduar Argjentinën këtë të dielë në finalen e Kupës së Botës. Raphaël Varane e mban mirë vendin e tij dhe Olivier Giroud mbetet në ballë të sulmit.

Munguan në pjesën e parë kundër Marokut të mërkurën (2-0) për shkak të një virusi, Adrien Rabiot dhe Dayot Upamecano gjejnë formacionin startues të Bluve për të luajtur në finalen e Kupës së Botës kundër Argjentinës këtë të diel ( në orën 16:00 ) në Stadiumi Lusail në Katar.

BRAZIL – Ndonëse tre javët e fundit është shtruar në spitalin Albert Einstein, në São Paulo, për shkak të kancerit të zorrës së trashë, Pelé ka shfrytëzuar rrjetet sociale për të lënë një mesazh shprese, pas eliminimit të skuadrës braziliane nga Kupa e Botës në Katar.

“Letër e hapur për ëndrrën time

Jeta është mundësi. Çfarë bëjmë me të varet nga secili prej nesh. E morëm mirë dhe e morëm gabim. Në fitore, ne bëjmë festë. Në disfatë, mësojmë. Jeta është gjithmonë bujare dhe ofron fillime të reja. Çdo ditë që kalon, ne fillojmë një rrugë të re. Dhe në këtë cikël, ne ushqejmë ëndrra që nuk vdesin kurrë, pavarësisht nga pengesat e udhëtimit.

Kjo vlen për të gjithë, por kur ëndrra jote është të jesh futbollist, mundësitë janë shumë më të rralla dhe ëndrrat shumë më të largëta. Pengimet nuk janë më të dhimbshme se jeta e askujt. Megjithatë, ata gjykohen nga shumë njerëz, nuk mendoni? Dhe, për të qenë të drejtë, edhe fitoret festohen shumë më tepër.

Pavarësisht dhimbjes që po ndjejmë me eliminimin tonë nga Kupa e Botës, u kërkoj brazilianëve të kujtojnë atë që na solli në pesë yjet e parë në gjoks. Është dashuria ajo që na lëviz”,- ka shkruar legjenda e futbollit botëror.

Lionel Messi dhe Kilian Mbappe

KATAR- Nëse ka një fitues nga finalja para se të dihet rezultati, ai është presidenti i FIFA-s, Gianni Infantino, pasi me siguri nuk mund të imagjinonte një çift më ideal për finalen e Kupës së Botës në Katar. Dy skuadrat që përfaqësojnë dy botë (Amerika Latine dhe Evropa) dhe dy lojtarët më të mirë (Lionel Messi dhe Kylian Mbappe) përballen në një përplasje që i lë të hapura të gjitha mundësitë.

Në thelb, kampionia e botës, Franca do të përballet me skuadrën e Messit, i vendosur për të marrë trofeun, i cilideklaroi se ky është i fundit i Botërorit. Dy bashkëlojtarët e Paris Saint-Germain janë përballur me njëri-tjetrin në disa raste në të kaluarën. Ishte e qartë se në Rusi “Albiceleste” nuk mundi të kapërcejë problemet e brendshme, veçanërisht në lidhje me marrëdhëniet mes lojtarëve dhe konkretisht Messit dhe trajnerit në atë kohë. Por ardhja e Lionel Scalonit, i solli gëzim një ekipi që kishte vuajtur nga grindjet dhe polemikat.

Në fund të fundit, është Scaloni ai që beson se nëse fitojnë Kupën do ia dedikojnë “zotit të futbollit”, të cilit i drejtohet vetë Messi, duke e kthyer në mënyrë karakteristike shikimin nga qielli, sa herë që shënon gol: Diego Maradona na sheh nga qielli, na shtyn deri në fund. Megjithatë, në rastin e finales, ajo që ka rëndësi nuk është vetëm përballja e dy skuadrave që përfaqësojnë dy tradita të ndryshme futbolli, por edhe protagonistët e famshëm që përqendrojnë vëmendjen tek ata: Messi duket i vendosur të çojë në shtëpi më në fund trofeun në Argjentinë, duke kompensuar kështu bashkatdhetarë që nuk ia falën kurrë që nuk ua solli nga Brazili, ndërkohë që në Rusi kishte luajtur disa nga ndeshjet më të këqija të karrierës së tij.

Kundër tij, Lionel do të gjejë shokun e ri të skuadrës në Paris Saint-Germain dhe lojtarin që duket se është më ideali për ta pasuar atë në fron: Mbappe. Mjafton të mendojmë se ky i fundit lindi vetëm pak muaj pasi Franca fitoi Kupën e Botës në 1998, kur askush nuk mund ta imagjinonte se 20 vjet më vonë trofeu do të mbahej nga një fëmijë që vraponte si një ‘demon’ dhe të gjithë parashikonin se ai është – dhe jo pa arsye – talenti më i madh që e gjithë bota e futbollit e kishte njohur.

Sepse ndoshta yjet e mëparshëm francezë, si Zidane apo më parë Platini, mbështeteshin te aftësitë dhe klasi i futbollit, por ky kishte një shpejtësi dhe një fuqi që nuk ishte parë në fushë prej vitesh. Talenti i papërpunuar i Mbappe u zhvillua shpejt në një klasë futbolli, duke i dhënë me të drejtë titullin e lojtarit më të paguar në botë për momentin. Nuk është rastësi që Mbappe është fytyra absolute e futbollit të Francës jashtë vendit.

Mbappe është arsyeja përfundimtare pse njerëzit u derdhën në rrugë, në qytetet e Francës, duke bërtitur “on est en final” (jemi në finale!). Ylli francez me origjinë nga Kameruni dhe Algjeria ka përballë një legjendë po aq të madhe si Messi.

“Merimanga” Alvarez dhe yjet e tjerë

Nëse dikush po pyet se cilët yjet e rinj mund të zënë vendin e Messit në kombëtaren e Argjentinës, mjafton të shikojmë videon e golit të parë të Julián Alvarez kundër kroatëve që duket të jetë një copy paste. Sigurisht, djali me shenjat e pubertetit ende të dukshme në fytyrën e tij, mund të mos ketë marrëzinë që e bëri Dieguito të mos tregojë mëshirë për kundërshtarët, por të gjithë thonë se Alvarez është dielli i ri që shkëlqen në flamurin e “Albiselestes”. Merimanga, siç i kanë vendosur nofkën,përhapet në të gjithë fushën.

Sulmuesi i City-t konsiderohet aktualisht lojtari i ri më i përfolur, por edhe ai që e bindi Messin të… qëndrojë me Kombëtaren dhe të marrë pjesë në një tjetër Botëror pas disfatës dhe ndeshjeve tragjike në Rusi. Pikërisht atëherë Messi, i zhgënjyer nga ngacmimet që merrte nga bashkatdhetarët e tij, kishte vendosur të mos merrte pjesë në turneun e radhës ndërkombëtar të futbollit, kur persona të ndryshëm, të udhëhequr nga Alvarez, ngarkuan video në internet ku me lot i luteshin idhullit të tyre që të qëndronte.

Siç zbuloi më vonë Messi, ishte tërheqja dramatike e Alvarez, ende i mitur në atë kohë, që e bindi atë të merrte pjesë në Kupën e Botës në Katar dhe tani të pretendonte për trofeun.

“Indiana Jones” Griezmann

Sigurisht që “gjelat” nuk janë gati të lënë lojën në duart e Messit pasi kanë dëshmuar në të gjitha ndeshjet se nuk e kanë rastësisht titullin e kampionëve të botës. Veç që “skuadra e Mbappes” mund të na dalë “skuadra e Griezmannit”, pasi ky i fundit ka arritur të ngrejë vetë të gjithë ekipin: dëshmi se në gjysmëfinalen kundër Marokut jo vetëm mbuloi të gjitha boshllëqet në fushë, por luante të gjitha pozicionet: sulmues, mesfushor, madje edhe mbrojtës.

Pra, nëse në rastin e Argjentinës Messi dhe Alvarez duket se janë Han Solo dhe Luke Skywalker nga “Star Wars”, Indiana Jones është padyshim Antoine Griezmann, po aq efektiv dhe po aq i bukur dhe fatal sa arkeologu i famshëm: ai di të zbulojë thesare ku askush nuk i pret.

A do të luajë Benzema?

Didier Deschamps e di se ka shumë lojtarë të mirë në dispozicion për të bërë ndryshimet e nevojshme edhe nëse nuk duhet të sjellë përfundimisht Karim Benzema, i cili ka shkaktuar kaq shumë bujë nëse mund të përfshihej apo jo. Të gjithë e dinë që top-sulmuesi duhej të merrte leje speciale nga Reali për të luajtur në Katar, por edhe klima e ftohtë mes tij dhe Deschamps luajti rolin e saj (të mos harrojmë grindjet e tyre të vjetra).

Përgjigjja e trajnerit francez kur u pyet se çfarë do të ndodhë me Benzemën është tipike: Për momentin po kujdesem për 24 lojtarët që kam këtu. Nuk më interesojnë ata që nuk janë si Kibebe dhe Pogba. Nuk do të flas për gjëra që nuk kanë të bëjnë me jetën time të përditshme. Këto deklarata duket se kanë zemëruar liderin francez të Realit, i cili megjithatë sipas lajmeve të fundit duket se do të përfshihet në skuadrën për në finale. Arsyeja është se ai nuk u zëvendësua në listë, gjë që lë hapësira për pjesëmarrjen e tij.

Deschamps padyshim që ka nevojë për të dhe ai vetë nuk do të humbasë shansin për të humbur finalen dhe mundësinë për të fituar trofeun. Në këto ndeshje të Katarit, të cilat filluan plot surpriza, por në fund dëshmuan se më të mirët zakonisht arrijnë në finale, portierët duket se luajnë një rol të rëndësishëm – dhe në rastin Francë-Argjentinë, është fjalë për fjalë një betejë gjigandësh. Hugo Lloris mbetet një nga portierët më të mirë në botë, në mos më i miri.

Historia e jetës së dy legjendave të finales së madhe

Lionel Messi: Fëmija i sëmurë që u bë ylli i shekullit të 21-të

Ndryshe nga Diego Maradona, jeta e Lionel Messit mund të mos përfshijë kopertina dhe skandale spektakolare – nëse përjashtoni ato të evazionit fiskal – por ai me siguri ka mjaft aventura për të shkruar shumë faqe. Faza e parë e jetës së tij, në fund të fundit, karakterizohet nga një varfëri e skajshme dhe nga një sëmundje e rrallë që detyroi të atin që punonte ta dërgonte të voglin në Barcelonë që të kurohej, në pamundësi për të përballuar shpenzimet mjekësore. Siç shkruan biografia zyrtare e Messit nga Luca Caioli, sistemi i tij muskulor, që e bën atë të dallohet aq shumë nga të tjerët, është në të njëjtën kohë aq i brishtë sa “fjalë për fjalë duket si porcelani”.

Siç thuhet në biografi, janë të njëjtët mjekë që thanë se “sistemi i tij muskulor është si ai i vrapuesve. I jep atë shpejtësinë që e karakterizon, por rreziku i lëndimeve të muskujve është diçka e rëndësishme. Në çdo rast, Leo është plotësisht i vetëdijshëm se duhet të jetë i kujdesshëm – dhe shumë i kujdesshëm”.

Një rol përcaktues në jetën e tij duket se ka luajtur gjyshja e tij Celia, e cila i dha atij besimin që i nevojitej për të gjetur veten në Evropë i vetëm në moshën 12-vjeçare, duke lënë pas ekipin Newell’s Old Boys në Rosario të varfër të Santa Fe.

Ai mbetet edhe sot e kësaj dite, pavarësisht rekordeve që ka thyer, modest. Është me të njëjtën partnere që në moshën 18-vjeçare, Antonella Rokuzzo, me të cilën ka dy fëmijë.

Dy ditë pas finales, Kylian Mbappe do të fryjë 24 qirinj në tortë, pasi ka pasur kohë të përjetojë lavdi futbolli që të tjerët nuk i arrijnë në gjithë karrierën e tyre. I lindur në një familje sportistësh, ishte e natyrshme që ai të kishte pranë vetes që në moshë të vogël, babain e tij trajner Wilfried Mbappe, i cili dalloi talentin e djalit të tij të vogël dhe bëri gjithçka që mundi për ta promovuar atë.

Periferia ku u rrit Mbappe është e njohur në Francë për trazirat që shpërthyen në vitin 2005, kur fëmija 7-vjeçar tashmë kishte filluar të shquhej si një talent unik. I riu kishte arritur të futej në ekipin vendas Bondi ende pa mbushur 7 vjeç, ndërsa njerku bëri gjithçka për ta transferuar në një ekip më të mirë, Rennes. Është ai që ndërmjetësoi që Killian të shpërngulej në një vend më të mirë dhe të frekuentojë Kolegjin Catherine De Vivonne, ku spikati për zërin e tij të bukur dhe talentin e të kënduarit! Mbappe i vogël madje e shfrytëzonte kohën e lirë për të luajtur flautin në dhomën e tij të errët, e cila ishte e mbushur me postera të Cristiano Ronaldos.

Ai madje është kujdesur që të takojë idhullin e tij dhe të marrë këshillat e tij gjatë një vizite në stadiumin e Real Madridit.

Ende pa mbaruar shkollën, ylli super i talentuar do t’i bashkohej radhëve të Monakos, i cili madje do të refuzonte 40 milionë eurot nga Manchester City. Atje ai do të bëhej golashënuesi i dytë më i ri francez në historinë e kompeticionit pas Karim Benzema. Në Kupën e Botës në Rusi, ai do të shquhej si lojtari yll dhe së fundi do të nënshkruante kontratën më të shtrenjtë në botë – jo e vogël për dikë që ende nuk ka mbushur 25 vjeç.

Për sa i përket jetës së tij personale, të cilën ai mundohet ta mbajë të fshehtë, thashethemet e duan atë të shoqërojë modele të ndryshme të njohura, ndërsa së fundmi kopertinat e shfaqnin në krah të transmetuarës së famshme dhe bukuroshe Ines Rau. Është modelja e parë trans që është në kopertinën e “Playboy” në 2017, modele dhe prezantuese dhe aktiviste e njohur.

KATAR – Në finalen e Botërorit të Katarit 2022 do të përballen Franca dhe Argjentina. Duke nisur nga ora 16:00, të gjithë sytë e botës do të jenë te stadiumi ‘Lusail’ dhe konkretisht te dy yjet e tij më të mëdhenj, Lionel Messi dhe Kylian Mbappé. Të dy, edhe pse bashkëlojtarë te PSG, janë në kërkim të yllit të tretë për vendin e tyre në një ndeshje që do të vërshojë emocione. Për sa i përket ‘Bluve’, një nga pyetjet që mund të lindë, kur shoh fanelat e tyre është prania e gjelit. Pse simboli i kombëtares franceze është gjeli?

Për të shpjeguar praninë e gjelit në ekipin francez, është e nevojshme të shpjegohet, së pari, rëndësia e kësaj kafshe në kulturën e vendit. Kur nuk ekzistonte ende Franca, por Galia, gjeli u shfaq në monedhat e këtij territori. Prandaj, banorët e saj e bënin lojën e fjalës me latinishten ‘gallus’, që do të thotë edhe gjel edhe galik.

Napoleoni refuzoi të kishte një gjel si simbol

Vende të tjera si Gjermania e njohën gjelin si simbol francez që në shekullin e 14-të dhe mbreti i Francës, nga shekulli i 16-të, filloi ta shfaqë gjelin në monedha, pllaka, në vulën e drejtorisë, etj. Megjithatë, kur Napoleoni mbretëroi në Francë, ai refuzoi të vazhdojë të përfaqësojë vendin me gjelin, sepse sipas fjalëve të tij: “Gjeli nuk ka forcë, nuk mund të jetë imazhi i një perandorie si Franca”.

Gjithsesi figura e kësaj kafshe, megjithë refuzimet e Napoleoni, u nguli më fort nga viti 1830, kur nisi të shfaqet në butonat e uniformave dhe në banderolat e gardës kombëtare. Në Luftën e Parë Botërore, për shembull, gjeli ishte antiteza e shqiponjës gjermane.

Që kur është gjeli emblemë në ekipin francez?

Në kombëtaren franceze u shfaq për herë të parë në vitin 1904, kur ‘blutë’ bënë debutimin e tyre kundër Belgjikës. Në Kupën e Botës që vendi francez organizoi në vitin 1998, maskota e tij zyrtare ishte gjeli ‘Footix’.

Kësaj kafshe i është dhënë simboli i ‘besimit dhe dritës’, për shkak të mënyrës së saj të të kënduarit, e cila përfaqëson fundin e ‘natës dhe ligësisë’. Dhe për sportistët francezë, gjeli ka edhe kuptimin e kapërcimit.

9 ORE ME PARE

KATAR – Nuk e dimë nëse Hugo Lloris do të largohet nesër nga Katari me titullin e dytë kampion bote, por, pas një udhëtimi të jashtëzakonshëm, ai do të ketë ngjitur një Everest më personal, atë të rekordit me kombëtaren me ngjyrë blu (144 ndeshje për momentin, në pritje të Argjentinës).

Edhe për një kapiten, që gjithmonë e ka vendosur kolektivin mbi gjithçka, kjo shifër ka një vlerë dhe një kuptim: fundi i rrugës nuk është larg. Portieri i kampionëve të botës 2018 dhe finalistëve të Euro 2016, do të festojë më 26 dhjetor 36-vjetorin e lindjes. Ai vështirë se mund ta imagjinojë të luajë një Kupë Bote përsëri pas kësaj dhe një titull i ri do të ishte një rrugëdalje e shkëlqyer.

Ai e nisi aventurën me ‘Blutë’ në nëntor të vitit 2008 dhe, tashmë që nga Euro 2021, konkurrenca me Mike Maignan, në stol gjatë këtij Botërori, po bëhet gjithnjë e më e fortë. Edhe Didier Deschamps e ka pranuar privatisht prej disa muajsh, se portieri i Milanit po performon po aq mirë sa ai i Tottenhamit, apo edhe pak më shumë. Gjithsesi për Lloris, Euro 2024 nuk është edhe aq larg dhe ai nuk i ka të mbyllura asnjëherë dyert zyrtarisht.

Ky është edhe ‘fjalimi’ zyrtar i mikut të tij Olivier Giroud (36), i cili ka si shembull Zlatan Ibrahimovicin te Milani (41). “Ndihem shumë mirë dhe vazhdoj të kem një nivel interesant”,- tha këtë javë qendërsulmuesi, që theu rekordin e golave ​​në kombëtare gjatë kësaj gare (53). Dikush më tha: “Ne jemi të gjithë 20 vjeç dhe pjesa tjetër është përvojë. Unë luaj si një fëmijë në fushë, me mentalitetin e një të riu që sapo ka ardhur dhe që është gjithmonë i uritur për të fituar. I vendosa vetes kufij zero”. Reflektimi i tij më personal, ende e shtyn atë t’i thotë ‘Stop’ kombëtares, ai që ka luftuar gjithmonë, por që nuk ka asgjë për të provuar.

Ndoshta trajneri i skuadrës së Francës, kushdo qoftë ai, gjithsesi do të vendosë një kufi në vendin e tij. Kjo është ajo që mund të ndodhë me Karim Benzeman, as shumë i ri (35 vjeç nesër me Real Madrid) dhe marrëdhënia e të cilit me Deschamps u prish më tej gjatë këtij Botërori të humbur për shkak të dëmtimit.

Çështja e së ardhmes së Deschamps, në fund të kontratës më 31 dhjetor dhe që presidenti i saj Noël Le Graët dëshiron ta zgjasë, duhet të llogaritet në vendime të caktuara. Nëse në krye të kombëtares vjen mentori i sulmuesit madrilen, Zinedine Zidane, që është larg trendit, ‘Topi i Artë’ i France Football do të jetë në terren shumë të favorshëm.

Ardhja e ZZ do të ishte një shans edhe për Ferland Mendy (27, Real Madrid), i cili shpesh shmanget nga Deschamps. Në të njëjtin pozicion, ai i krahut të majtë, Lucas Digne (29, Everton), i pambajtur në Katar, kishte idenë disa javë më parë të largohej nga kombëtarja. Një mendim që kaloi në mendjen e disa drejtuesve me një histori më të pasur në ngjyrë blu, si Antoine Griezmann, për shembull, në vitin 2019. Por për sa kohë ai luan në Europë, sulmuesi i Atlético Madrid (31), i cili do të donte të evoluonte në MLS një ditë, do të jetë kandidat.

Raphaël Varane është ende i ri (29 vjeç, Manchester United), por trupi i tij nuk e lë të qetë, gjë që është edhe më problematike për N’Golo Kanté (31 vjeç, Chelsea). Për të parë nëse kjo i shtyn ata të bëjnë një hap prapa me një skuadër franceze që i ka sjellë aq shumë dhe kujt i kanë dhënë edhe aq shumë.

KATAR – Një brazilian 75-vjeçar ka fituar një rekord botëror Guinness, pasi ka ndjekur më shumë turne të Kupës së Botës FIFA.

Daniel Sbruzzi, nga Taubaté, São Paulo, mori pjesë për herë të parë në Kupën e Botës në Argjentinë në vitin 1978, dhe Kupa e Botës e këtij viti në Katar e çoi totalin e turneve të tij të ndjekur në 11.

Sbruzzi tha për Guinness World Records se ndjekja e Word Cups është një mundësi “lidh pasionet e mëdha” të jetës së tij: futbollin dhe përjetimin e kulturave të ndryshme në mbarë botën.

“Një tipar i Bloco Vai Quem Quer është se burrat vishen si gra gjatë periudhës së karnavalit dhe parakalojnë në rrugë. Unë përpiqem të shpërndajë kulturën nga qyteti im në mbarë botën,” u shpreh ai.

Më tej, 75-vjeçari shtoi se Kupa e Botës në Katar ishte i vetmi turne që mori pjesë pa një kostum të frymëzuar nga femrat, për shkak të kodit të veshjes së turneut.

Sbruzzi tha se ai tashmë po planifikon të kryesojë rekordin e tij duke marrë pjesë në Kupën e Botës 2026, e cila do të organizohet bashkërisht nga Kanadaja, Meksika dhe Shtetet e Bashkuara.

“Ndjej se sa shumë përfaqësoj pasionin e tifozëve për Kupat e Botës dhe jam krenar që jam brazilian”, përfundoi i moshuari.

9 ORE ME PARE

Foto ilustruese

KATAR- Tifozët në Francë dhe Argjentinë janë duke numëruar edhe sa orë kanë mbetur para nisjes së finales së Kampionatit Botëror të Futbollit, Kuba e Botës, që këtë herë është organizuar në Katar.

Ngjarja, që nis në orën 16:00, është historike për të dyja palët. Franca synon të bëhet vetëm shteti i tretë që rifiton trofeun në historinë e saj 92-vjeçare, pas Italisë dhe Brazilit.

Trajneri i ekipit Didier Deschamps, i cili ka qenë kapiten i ekipit kur ka fituar Franca më 1998, synon të bëhet menaxheri i parë pas Vittorio Pozzos së Italisë për të fituar titujt radhazi.

Për Argjentinën, shpresat dhe ëndrrat e kombit janë mbi supet e Lionel Messit. I njohur si lojtari më i mirë i të gjitha kohërave, ai shpreson të kurorëzojë karrierën e tij me fitore në Kupën e Botës. Messi, 35-vjeçar, ka deklaruar se kjo do të jetë ndeshja e fundit që luan për kombëtaren e Argjentinës në një organizim të tillë.

Në Buenos Aires duket se lumturia e së ardhmes varet nga kjo finale. Argjentina është shtet në krizë të thellë ekonomike. Inflacioni i lartë nënkupton se miliona njerëz kanë probleme çdo muaj. Por, javëve të fundit, Lionel Messi dhe ekipi i Argjentinës janë duke lënë anash shqetësimet e shumicës që është fokusuar në futboll.

“Ky shtet është goditur aq shumë, Kupa është duke na bashkuar, ne e kemi këtë personalitet, futbollistin më të mirë në botë, atë e do secili”, ka thënë pronari i një bari, Luis Sarni.

Përveç Messit, edhe pjesa tjetër e ekipit është duke e bërë shtetin të lumtur.

“Secili në Argjentinë e sheh veten si trajner, secili e ka një mendim ndryshe, mirëpo kur festojmë – qajmë, qeshim bashkë”, ka thënë Luis.

Për Martin Rojas, një burrë argjentinas që jeton në Francë, mirëpo i cili është kthyer për pushime në familje, ndeshja e së dielës do të thotë shumë.

“Është ëndrra ime – prej kur kam lindur në vitet 90, nuk e kam parë Argjentinën kampione të botës”, ka thënë ai.

“Për Messin është ndeshja e tij e fundit në këtë lloj kampionati, është mundësi shumë e mirë për të”.

Kjo duket edhe si mundësi e Argjentinës për t’u ndjerë krenare me shtetin e bukur, ndonëse në shumë telashe. Edhe në Paris gëzimi vërehet në ajër.

Ndeshja e së dielës shënon finalen e katërt për Francën në shtatë kampione të Kupës së Botës.

Sipas statistikave të tifozëve, Franca nuk është mposhtur në 10 ndeshje kundër ekipeve të Amerikës Jugore. Humbja e fundit ka qenë më 1978, nga Argjentina.

Kjo situatë sjell në kujtesë komentet e famshme të futbollistit francez, Killian Mbappe më herët gjatë këtij viti, që futbolli i Amerikës Jugore nuk është aq i “avancuar” sa ai evropian, për shkak të nivelit “më të ulët” të konkurrencës atje.

Ai i është referuar faktit që hera e fundit kur një ekip i Amerikës Jugore ka fituar Kupën e Botës ka qenë Brazili më 2002 – dhe se Argjentina nuk ka fituar prej vitit 1986.

Këto dhe shumë aspekte tjera e bëjnë Francën të rrisë vetëbesimin, ani pse, në anën tjetër, për Argjentinën ky realitet mund të jetë më shumë shtytje për fitore.

Presidenti francez, Emmanuel Macron dhe gruaja e tij, Brigitte kanë udhëtuar për ta parë ndeshjen në Katar. Ata do të shoqërohen nga një delegacion i personaliteteve të sportit.

Kjo është hera e dytë që Macron udhëton në Katar brenda katër ditëve, duke e përmbushur premtimin që e ka bërë në fillim të garës, për të marrë pjesë në gjysmëfinalen e Francës kundër Marokot.

Në fillim të kampionatit, presidenti Macron ka pasur kritika për shkallën e të drejtave të njeriut në Katar, mirëpo sa më shumë që Franca ka fituar në këtë organizim, aq më të pakta janë bërë thirrjet për bojkot./REL/

Raphael Varane (Nike) dhe Julian Alvarez (Adidas)

KATAR – Argjentinë-Francë do të jetë finalja e katërt Adidas-Nike në Kupat e Botës që kur Nike mori pjesë në të për herë të parë (1998) dhe e dyta për ekipin e Francës, e pajisur nga Adidas në 1998 kundër Brazilit (Nike). Kësaj here, Franca me Nike do të përballet me Argjentinën (Adidas). Në vitin 2006, ‘Blutë’, ende me Adidas (ata kaluan në Nike në 2011), humbën në penallti kundër Italisë, më pas u veshën nga Puma. Është gjithashtu hera e fundit që një markë tjetër, përveç dy gjigantëve, kualifikohet në ndeshjen e fundit të një Botërori.

6 yje për Adidas, 2 për Nike

Në vitin 2018, finalja Francë-Kroaci përplasi për herë të parë dy skuadra të veshura me Nike, ndërkohë që ka pasur katër finale 100% me Adidas, duke përfshirë tre me Argjentinën (1978, 1990 dhe 2014).

Që nga viti 1966, Adidas ka humbur vetëm tre finale (1970, 1994 dhe rrjedhimisht 2018) dhe ka fituar gjashtë (1974, 1990 dhe 2014 me Gjermaninë, 1978 me Argjentinën, 1998 me Francën dhe 2010 me Spanjën), ndërsa Nike ka fituar dy herë, me Brazilin (2002) dhe me Francën katër vjet më parë në Rusi.

Nike pajisi 13 nga 32 kombëtaret në Katar, një rekord

Nga 32 skuadrat e kualifikuara në Katar, Nike siguroi një record, duke veshur 13 kombëtare kundrejt 7 të Adidas dhe 6 të Puma. Përveç Adidas, Nike dhe Puma (1 fitore), dy prodhues të tjerë pajisjesh dhe veshjesh sportive kanë fituar secili trofeun suprem dy herë në kohët moderne, Umbro (1966 me Anglinë dhe 1994 me Brazilin) ​​dhe francezja Le Coq Sportif (1982 me Italinë dhe 1986 me Argjentinën).

KATAR – Nëse ndarja financiare e FIFA-s rritet me gati 25% gjatë këtij edicioni, nuk është e qartë, nëse ‘Blutë’ do të shpërblehen më shumë individualisht në Katar se sa në Rusi më 2018. Në rast fitoreje ndaj Argjentinës,  këtë të dielë, në Lusail, Franca do të përfitojë 40.2 milionë euro nga FIFA (krahasuar me 32.2 milionë euro katër vite më parë) dhe FFF, në përputhje me marrëveshjen e arritur me drejtuesit e ekipit para Kupës së Botës, do të rishpërndajë për lojtarët dhe stafin, rreth 30% të këtij zarfi.

Presidenti Le Graët ul shpërblimet për të drejtat e imazhit

Prandaj janë 400.000 euro që do të marrë çdo lojtar në rast të një titulli (krahasuar me 300.000 euro në 2018). Por kësaj shume i shtohet një shumë tjetër për të drejtat e imazhit. Dhe këtë vit nuk do të jetë si në vitin 2018. Ndërsa, fillimisht, bonuset e garës ishin planifikuar për një shumë prej 9 milionë euro, publikimi i tyre në llogaritë e federatës, në fund të vitit 2018, ishte më shumë se 18 milionë euro.

Ky “shpërthim” shpjegohet me negociatat e kryera nga drejtuesit e skuadrës, në atë kohë, të cilët kishin qenë veçanërisht bindës përballë Florence Hardouin, drejtueses së përgjithshme të FFF-së, në mungesë të Noël Le Graët, president, i cili zgjidhi problemet e tij shëndetësore.

Nga 20.000 euro për ndeshje (të luajtura), këto të drejta imazhi ishin rritur në gati 35.000 euro për ndeshje. Në përfundim, çdo kampion bote do të ketë marrë 545.000 euro (300.000 + 245.000) përveç një ore luksoze (me një vlerë të vlerësuar prej 7.600 euro secila, por e negociuar me 3.000 euro brenda kornizës së një kontrate marketingu) që i ofrohet çdo lojtari, stafit dhe anëtarëve të federatës. Por për një vit dhe rikthimin në krye të Le Graët me kombëtaren, situata ka ndryshuar.

Presidenti i Federatës nuk iu kthye parimit të 30% (të alokimit të FIFA-s), por ai rishikoi shumën e të drejtave të imazhit në rënie. Tani ata janë 22.000 € për ndeshje. Në rast të suksesit të ri planetar, bonusi i ‘Bluve’ do të arrijë në 554.000 euro (400.000 + 154.000). Dhe nëse humbasin kundër Argjentinës, do të jetë 449.000 euro (295.000 + 154.000). Në çdo rast, nuk ka gjasa që këtë dhurim financiar të plotësohet me dhurata të tjera këtë herë. Në çdo rast, çdo lojtar mund t’i qëndrojë besnik zakonit të përfundimit të Botërorit, i cili konsiston në dhurimin e këtyre fitimeve për bamirësi prej tyre.

Stadium 974

KATAR- Ndeshja e Brazilit kundër Koresë së Jugut ishte e fundit e Kupës së Botës 2022 të organizuar në ‘Stadium 974’ dhe çmontimi i saj tashmë ka filluar.

Stadiumi inovativ i përbërë nga 974 kontejnerë transporti, prej nga vjen emri i tij, ishte një nga atraksionet e Kupës së Botës të këtij viti, por kjo mund të mos jetë hera e fundit që e shohim në këtë ngjarje.

Interes për blerjen e tij ka shprehur Uruguai, i cili së bashku me Argjentinën, Paraguajin dhe Kilin kanë paraqitur një propozim për të bashkëorganizuar Kupën e Botës 2030. Kjo është një lëvizje që funksionon si një “armë negociuese” e uruguaianëve, për të fituar pikë për propozimin e vendeve të Amerikës Latine, duke pasur në axhendën e tyre “974” ultra-modern dhe novator.

Kilian Mbappe dhe Lionel Messi

KATAR- Finalet e Kupës së Botës Përfundon sot në Katar Kupa e 22-të e Botës FIFA me Francën dhe Argjentinën që luftojnë për trofeun e tyre të tretë. Brazili ka fituar më së shumti në histori (5), i ndjekur nga Gjermania (4) dhe Italia (4). Finalja e fundit e vendosur me penallti ishte ajo e vitit 2006 në Gjermani, e cila hyri në histori me goditjen e Zinedine Zidane ndaj Marco Materazzi ndërsa në 1994 u vendos sërish për penallti me Roberto Baggio lojtari fatal për Italinë në… ruletën ruse.

Si Franca ashtu edhe Argjentina e kanë fituar trofeun një herë në tokën vendase. Më 1978, Argjentina dhe 1998 Franca.
Franca që dëshiron të bëhet skuadra e parë pas Brazilit (1958,1962) që do të fitojë 2 tituj radhazi nuk arriti në finale të pamposhtur. Në fazën e grupeve u mundën nga Tunizia në ndeshjen indiferente të ditës së tretë, ndërsa kishin mundur Danimarkën dhe Australinë.

Ai eliminoi Poloninë e Lewandowskit në fazën e 16-të dhe Anglinë në çerekfinale. Maroku fitoi në gjysmëfinale. Vlen të theksohet se Franca ka pësuar gola në 5 nga 6 ndeshjet e saj në turne! Argjentina po kërkon të bëhet skuadra e parë që nga Spanja në 2010 që humbet në ndeshjen e parë dhe fiton finalen! Arabia Saudite bëri surprizën e madhe në Katar dhe triumfoi 2-1 me përmbysjen e skuadrës së Lionel Messit.

Superylli i skuadrës tashmë ka një rekord personal (5 gola) duke shënuar në Kupën e tij të 5-të të Botës dhe dëshiron të udhëheqë Argjentinën në Kupë. Në vitin 1990, skuadra e Diego Maradonës kishte humbur sërish në premierën në San Siro nga Kameruni dhe arriti në finale në Romë. Aty humbi 1-0 nga Gjermania Perëndimore.

Tekniku 54-vjeçar ka fituar gjithçka me Francën në karrierën e tij! Si lojtar ai drejtoi Marsejën në vitin 1993, e cila është e vetmja skuadër franceze që ka fituar Ligën e Kampionëve.

Në vitin 1998, trikolorët fituan Kupën e Botës së parë dhe Deschamps ishte kapiten. Në vitin 2000 ata fituan Euron e tyre të dytë dhe ai ishte përsëri kapiten. Në vitin 2016, ai udhëhoqi Francën në finalen e Euros si trajner dhe në 2018 fitoi Kupën e Botës!

Në vitin 2021, ai fitoi Ligën e Kombeve të parë me Francën.

Evropiani Scaloni Scaloni mund të ketë lindur dhe rritur në Argjentinë, por ai ka pasur një karrierë si futbollist në Evropë.

Ish-mbrojtësi luajti kryesisht në La Coruña dhe Lacio ndërsa me West Ham shijoi gëzimin e pjesëmarrjes në Premier League.

Lionel Scaloni bëri histori kryesisht me La Coruña pasi pati ecuri të shkëlqyera në Evropë dhe fitoi La Liga gjithashtu. Në vitin 2016 ai filloi karrierën e tij si trajner si asistent në Sevilla dhe në vitin 2018 mori përsipër kombëtaren e Argjentinës.

Në vitin 2021, 44-vjeçari udhëhoqi skuadrën e Lionel Messit për të fituar Kupën e Amerikës për herë të parë që nga viti 1993 dhe duke numëruar 4 finale të humbura radhazi. Për historinë si lojtar ka luajtur 7 herë me kombëtaren dhe në vitin 2006 ka qenë në skuadrën për Kupën e Botës.

Beteja për Këpucën e Artë

Pas finales së Kupës së Botës do të njohim edhe golashënuesin më të mirë të turneut. Para ndeshjes së madhe në krye të tabelës përkatëse janë Lionel Messi dhe Kylian Mbappé me 5 gola që sigurisht janë bashkëlojtarë te Paris Saint-Germain por rivalë me kombëtaret e tyre.

Ata pasohen nga Olivier Giroud dhe Julián Alvarez me 4 gola.

1. Lionel Messi (Argjentinë) 5
2. Kylian Mbappe (Francë) 5
3. Olivier Giroud (Francë) 4
4. Julián Alvarez (Argjentinë) 4

Shuma prej 40.600.000 euro do të mblidhet nga fituesi

FIFA ka rritur me 10% të ardhurat krahasuar deri në vitin 2018 në paratë e çmimeve të 32 skuadrave në Botërorin 2022. Pra skuadrat do të ndajnë 425.000.000 euro këtë vit, ndërsa në 2018 kanë marrë 386.000.000 euro. Skuadra që fiton kupën do të arkëtojë 40.600.000 euro dhe humbësi i finales do të marrë 29.000.000 euro.

KATAR – Perdja e këtij Botërori në Katar do të ulet me një nga duelet më tërheqëse, apriori, që mund të na ofrojë bota e futbollit sot. Dominuesi i madh i 15 viteve të fundit, Leo Messi, para shansit të tij të fundit për të fituar një Botëror. Nga ana tjetër, figura e thirrur për të marrë stafetën për dekadën e ardhshme dhe kush mund të shtojë titullin e dytë vetëm pak ditë pas ditëlindjes së tij të 24-të: Kylian Mbappé. Argjentina dhe Franca në kërkim të yllit të tyre të tretë. Shfaqja është e garantuar.

Si arrin Argjentina? Nga më pak në më shumë, ‘albicelestet’ arrin në këtë finale të bindur për potencialin e tyre dhe frymëzimin e yllit të tyre të madh për lojën e jetës. Ka kaluar një fazë pikëlluese e grupeve, me një disfatë kundër Arabisë Saudite në debutimin e tyre dhe një fazë finale, në të cilën ata kanë kombinuar momente të mëdha me shumë dyshime. Ata luajtën në një nga ndeshjet e Kupës së Botës në çerekfinale, duke mundur Holandën me penallti dhe shkëlqyen kundër Kroacisë në gjysmëfinale.

Ja dhe përbërjet e mundshme të Argjentinës dhe Francës për finalen e sotme:

s. Këta janë fëmijë kujdestarë, tifozë futbolli, me të cilët zoti Macron donte të ndante këtë përvojë.