Kearns: Dështuan politikat e BE-së që kënaqin autokratët

Kryetarja e Komitetit për Punë të Jashtme në Parlamentin e Britanisë së Madhe, Alicia Kearns, nëpërmjet një postimi në llogarinë e saj në platformën “X”, tha se ngjarjet e fundit në pjesën veriore të Kosovës të banuar kryesisht me serbë etnikë, ilustrojnë më së miri dështimin e politikave që kanë për synim të kënaqin autokratët dhe theksoi se “realiteti i tmershëm” nxjerr në pak shumë gabime të bashkësisë së organizuar ndërkombëtare.

Kearns ka qenë njëra ndër nismëtaret kryesore të letrës së shefave të komiteteve parlamentare për politikë të jashtme, drejtuar niveleve më të larta diplomatike në Uashington, Bruksel dhe Londër, ku kërkohej një qasje më e ashpër dhe më e vendosur ndaj Serbisë dhe po ashtu, rikthimin e ekuilibrit dhe proporcionalitetit në dialogun Prishtinë-Beograd.