Kërcënonte 60-vjeçarin për dhënien e pasurisë, arrestohet i riu

Arrestohet një 24-vjeçar në Tiranë. Mësohet se i riu S.T, në kohë dhe vende të ndryshme ka kanosur një 60-vjeçar për dhënie pasurie.

Bëhet me dije se 24-vjeçari i kërkonte para 60-vjeçarit me pretendimin se ky i fundit i ka dëmtuar shtëpinë. Gjatë kontrollit fizik të riut iu gjetën dhe sekuestruan dy kaçavida.

Njoftimi i Policisë:

Specialistët e Sektorit për Hetimin e Krimeve të Rënda në DVP Tiranë arrestuan shtetasin S. T., 24 vjeç, banues në Tiranë, për veprën penale “Shtrëngimi me anë të kanosjes ose dhunës për dhënien e pasurisë”, parashikuar nga neni 109/b i Kodit Penal.

Ky shtetas dyshohet se, në vende dhe periudha të ndryshme kohore, ka kanosur një 60-vjeçar për dhënie pasurie, me pretendimin se ky i fundit i ka dëmtuar atij banesën.

Në cilësinë e provës materiale u sekuestruan dy mjete të mprehta (kaçavida), të cilat ju gjetën shtetasit S. T. gjatë kontrollit fizik.

Materialet i kaluan Prokurorisë.