Këto janë disa nga vrasjet më të tmerrshme të kryera në botë

Masakra që ndodhi në Beograd, në të cilën humbën jetën 8 nxënës dhe një roje sigurie në një shkollë në kryeqytetin e Serbisë, do të mbesë thellë në kujtesën e 13-vjeçarit Kosta Keçmanoviç që mori 9 jetë, të shokëve të tij që e panë teksa hynte në shkollë dhe vriste nxënësit, të familjes së tij dhe të gjithë ata që dëgjuan për ngjarjen e tmerrshme.

Mirëpo ajo që e bën këtë masakër edhe më të rëndë është fakti që u krye nga një i mitur, për motive të cilat ai do t’i kujtojë kur të jetë më i rritur dhe do t’i duken të parëndësishme.13-vjeçarit Kosta Keçmanoviç do të mbahet mend si djaloshi që askush në botë në moshën e tij nuk vrau më shumë njerëz.

Kjo ngjarje e rëndë i është shtuar listës së shumë vrasjeve të tmerrshme të kryera në botë, të cilat mund të gjenden thellë në memorien e të gjithë atyre që kanë dëgjuar për ta.13-vjeçari i cili planifikoi vrasjen e shokëve të tij, ishte një mënyrë e hidhur për të na kujtuar sulme të tilla të ndodhura më parë, të cilat janë shumë më pak të zakonshme jashtë Shteteve të Bashkuara.

Serbët dihet se kanë stoqe armësh të mbetura nga luftërat ballkanike të viteve 1990 dhe ka pasur të shtëna të tjera masive në vend.

Në vitin 2013, një veteran i luftërave ballkanike qëlloi dhe vrau 13 persona në një fshat afër Beogradit.Në vitin 2007, një burrë qëlloi për vdekje nëntë persona në fshatin Jabukovac, në Serbinë lindore.

Nga viti 1966 deri në vitin 2012, amerikanët përbënin 31% të sulmeve me armë në mbarë botën, sipas një studimi të vitit 2016 nga Adam Lankford, një profesor i kriminologjisë dhe drejtësisë penale në Universitetin e Alabama,

Studimi zbuloi se midis vendeve me më shumë se 10 milionë banorë, vetëm Jemeni kishte një shkallë më të lartë të të shtënave masive për frymë.

Studiuesit që mbështesin të drejtat e armëve kanë kundërshtuar gjetjet e Lankford, por ai ka thënë se kur bëhet fjalë për rastet që përfshijnë persona të armatosur të vetëm që kryejnë akte të rastësishme dhune, Shtetet e Bashkuara përbëjnë më shumë se gjashtë herë pjesën e tyre globale, në krahasim me madhësinë e popullsisë.

Këtu është një listë e sulmeve me armë jashtë Shteteve të Bashkuara që janë kryer nga persona të vetëm.

Tajlanda verilindore, 2022

Një oficer policie i cili ishte shkarkuar kohët e fundit vrau 36 njerëz, duke përfshirë 24 fëmijë, në një institucion të drejtuar nga qeveria, të shtënat më vdekjeprurëse nga një autor i vetëm në historinë e Tajlandës. Më pas, i armatosuri qëlloi veten për vdekje në shtëpinë e tij.

Nova Scotia, Kanada, 2020

Në të shtënat masive më të këqija në historinë e Kanadasë, një person i armatosur vrau 22 persona në një komunitet rural në Nova Scotia.Masakra filloi në Portapique, një fshat me rreth 100 banorë dhe përfundoi më shumë se 13 orë më vonë në një pikë karburanti në Enfield, 55 milje larg, me personin e armatosur që u qëllua për vdekje nga policia.Dy javë pas të shtënave, kryeministri Justin Trudeau miratoi ndalimin e armëve të stilit ushtarak.

Korat, Tajlandë, 2020

Një person i armatosur vrau 29 persona në qytetin Korat, në verilindje të Bangkok. Pas 18 orësh, policia e qëlloi për vdekje teksa fshihej në një qendër tregtare shtatëkatëshe.

Christchurch, Zelanda e Re, 2019

51 myslimanë u vranë në dy xhami, në një masakër që personi i armatosur e transmetoi drejtpërdrejt online.Në vitin 2021, një gjykatës e dënoi të armatosurin, një australian, me burgim të përjetshëm pa asnjë shans për lirim me kusht. Ai ishte krimineli i parë në Zelandën e Re që mori një dënim të tillë.

Norvegji, 2011

Një ekstremist i vetëm politik bombardoi një qendër qeveritare në Oslo përpara se të shkonte në një kamp veror në ishull për anëtarët e rinj të Partisë Laburiste në pushtet, ku qëlloi 69 persona.Në total, 77 persona u vranë në dy sulmet.