Kokainë e ndarë në doza, arrestohet 29-vjeçari në Durrës

Durrës/Evidentohet dhe goditet një rast i shpërndarjes së drogave të forta, në doza.

Drejtonte automjetin, me një sasi lënde narkotike kokainë me vete, të ndarë në doza, arrestohet në flagrancë 29-vjeçari.

Në hetim për këtë veprimtari kriminale edhe pasagjeri në automjet.

Shërbimet e Forcës së Posaçme “Shqiponja”, në vijim të punës me fokus goditjen e shpërndarjes së drogave të forta në doza, të mbështetura dhe nga inteligjenca informative, kanë evidentuar dhe goditur një rast tjetër të kësaj veprimtarie kriminale.

Si rezultat, u arrestua në flagrancë shtetasi Sh. H., 29 vjeç, banues në Durrës, si dhe u referuan materialet në Prokurori dhe nisi procedimi në gjëndje të lirë për shtetasin O. B., 46 vjeç, banues në Durrës, për veprën penale “Prodhimi dhe shitja e narkotikëve”.

Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.