Korçë/ Makina përplas për vdekje 72-vjeçaren

Një aksident me pasojë vdekjen është raportuar këtë të shtunë në afërsi të fshatit Lumalas, në Korçë.

Sipas informacioneve nga policia mësohet se një mjet ka përplasur një këmbësore e cila ka gjetur vdekjen e menjëhershme. Bëhet fjalë për 72-vjeçaren, Milkë Kroza.

Mësohet se policia dhe ambulanca ndodhen në vendngjarje. Sakaq uniformat blu po punojnë për zbardhjen e rrethanave të aksidentit.

Njoftimi:

Më datë 06.08.2022, rreth orës 10:20, në aksin rrugor Korçë-Pogradec, në afërsi të fshatit Lumalas, Korçë, shtetasi F. U., duke drejtuar mjetin tip “Benz”, ka përplasur shtetasen M. K., rreth 72 vjeçe, këmbësore në rrugë, e cila për pasojë ka gjetur vdekjen.

Drejtuesi i mjetit ndodhet i shoqëruar për veprimet e mëtejshme procedurale.

Grupi hetimor po punon për zbardhjen e rrethanave të aksidentit.