Kosova nuk përfiton asgjë me këtë strategji/ Sejdiu për dialogun

Ish-presidenti i Kosovës Fatmir Sejdiu tha se është i shqetësuar për drejtimin në të cilin po ecën dialogu me Serbinë dhe se palës kosovare nuk i është lejuar të pranojë aneksin e zbatimit të Marrëveshjes së Ohrit, sepse detaje në të shkatërrojnë strukturën e kushtetutës

“Kosova nuk mund të fitojë asgjë me këtë strategji. As Serbia nuk mund të fitojë, edhe pse deri më tani ka punuar për ta shkatërruar vazhdimisht dialogun. Është e rëndësishme që ne të gjejmë momentin për të reaguar dhe të vazhdojmë me vendosjen reale të asaj që është korniza bazë për ndërtimin e sistemit shtetëror-juridik të Kosovës” – ka theksuar Sejdiu.

I pyetur se çfarë do të bënte ndryshe për dialogun Beograd-Prishtinë, ai thekson se fillimisht do të bashkëpunonte me partnered perëndimorë si SHBA-BE, që janë në proces dhe janë pjesë e iniciativave

“E dyta ka të bëjë me çështjet e brendshme. Ne duhet të sqarojmë se cili është thelbi që Kosova duhet ta pranojë apo jo në planin e bërë nga bashkësia ndërkombëtare. Por kjo nuk mund të shkojë pa një hetim më të thellë të qëndrimit paralel të komunitetit ndërkombëtar që mbështet. Kosovë” – ka thënë Sejdiu, duke shtuar se marrëveshja në dialog duhet të bazohet në njohje.

Sipas tij, ajo që është paraqitur në opinion rreth draft-statutit të asociacionit është shumë e ndjeshme.

“Në ato pika, Kosova duhet të kujdeset për veten, sidomos të mos hyjë dhe të bjerë në idenë e krijimit të heshtur të një niveli qeverisjeje nga komuniteti serb nga veriu. Kosova është qeveria e vetme dhe nuk mund të ketë qeveri tjetër” k ka potencuar ish presidenti, duke shprehur shqetësimin për efektet që do të ketë drafti në sistemin kushtetues të Kosovës.

“Të sulmosh sistemin qeveritar në pjesën e tij thelbësore, kjo do të ishte kolaps, është një hap mbrapa. Prandaj, mendoj se në këtë proces duhet tme shumë vetëdije, këmbëngulje dhe mençuri” – ka theksuar Sejdiu.