Kosovë-Serbi/ Ja kur do armatoset Veriu…Daçiç për zbatimin e marrëveshjes

Ministri i jashtëm serb Ivica Daçiç sot ka deklaruar se marrëveshja evropiane për rrugën e normalizimit të marrëdhënieve ndërmjet Serbisë dhe Kosovës, e cila u pranua në Bruksel, është ligjërisht e detyrueshme për të dyja palët, edhe pse nuk është nënshkruar, por se  ky nuk është interesi I Prishtinës zyrtare

Ai tha për televizionin serb “TV Përva” se “ekziston mundësia që të ndihmohen serbët në Kosovë që të armatosen”, por se kjo mund të ndodhë vetëm atherë kur në rajon të ketë një konflikt serioz.

“Politika jonë është korrekte, jemi në dialog, dhe nga ana tjetër, presidenti Vuçiq e ka thënë qartë disa herë se ne kemi marrë përsipër detyrimin për ta zbatuar këtë marrëveshje deri te vijat e kuqe, për të cilat ai tha qartë se de facto dhe de jure  i referohen njohjes së çdo forme të Kosovës dhe anëtarësimin e Kosovës në Kombet e Bashkuara”.