Krime zgjedhore? Erion Isai reagon pas thirrjes në SPAK

Kryebashkiaku i Kolonjës Erion Isai ka qenë në SPAK ku ka dhënë deklaratën e tij në lidhje me një ngjarje që sipas tij ka ndodhur shumë kohë më herët dhe nuk ka lidhje me krimet zgjedhore dhe tenderat.

Isai është shprehur se në SPAK është thirrur thjesht si një person që ka dijeni dhe jo dëshmitar.

 “Nuk ka lidhje me krimet zgjedhore, kam qenë I thirrur si person që ka dijeni. Ka lidhje me një ngjarje konkrete të para shumë kohëve, ku Bashkia nuk ka qenë e përfshirë me tender publik të drejtpërdrejtë por si institucion në dijeni. Së kë po heton i takon prokurorisë, unë jam pyetur si person që ka dijeni, hetuesit janë në humor pse të mos jenë në humor”, ka thënë ai.