Krimet zgjedhore/ Kalaja: Task-Forca e Dumanit është ‘show’ i prokurorisë për të manipuluar publikun

Drejtuesja e Komisionit të Apelit në Partinë Demokratike, Adriana Kalaja, e cilëson ‘Task-Forcën’ e ngritur në SPAK, si një show, pa asnjë funksion për publikun.

Kalaja thotë se përpjekjet për të manipuluar opinionin publik janë të qarta dhe se një pjesë e madhe e dosjeve të rëndësishme, si dosja ‘184’, janë lënë pa u hetuar. Kalaja ka kritikuar mënyrën se si është trajtuar kjo dosje nga prokuroria, duke sjellë në vëmendje dënimin e disa personave jot ë rëndësishëm dhe mos hetimin e personave që shfaqeshin në përgjimet.

Adriana Kalaja: Ajo që vura re që në momentin e parë, është që të paktën ai është i sinqertë. Thotë ‘na lini, mos na survejoni’. Dhe kjo është në formën e shout, dhe gjoja ai është i kompleksuar nga ajo që po bën Altin Dumani me shokë. Ndërkohë që të gjithë e kemi deklaruar që Task-Forca, ajo e Dumanit, është shou i radhës i prokurorisë së Posaçme për të manipuluar publikun dhe për t’i thënë ktij palo kryeministri dhe të tjerëve që i shërbejnë atij, që ‘ju vazhdoni, ju bëni sikur respektoni ligjin dhe ne bëjmë sikur nuk e respektojmë ligjin’. Unë po të jap dy momentet kryesore.

Po të jap dosjen ‘184’, e cila shkoi me prova të reja, me indicie të reja. Ndërkohë kemi dosje aty të gjykuara. Dosja ‘184’ nuk është gjykuar, janë dënuar 4 persona fundorë. Ndërkohë e gjithë pjesa kryesore e dosjes, me zë dhe figurë, është e pa hetuar fare.

Ndërkohë, kemi dosjen ‘5D’. çfarë bëri për dosjen ‘184’ Ahmet Prençi? E ktheu mbrapsht. Nuk mori parasysh që, kjo që paska  pasur dosjen në 2019, qenka dhe bashkëshortja e një personi që ishte në përgjimet e dosjes. Sot ai person, Gentian Keshi, është agjent i BKH. Kjo është drejtësia. Dhe ka të drejtë Erion Veliaj. Na ka dhënë gjëra shumë të vlefshme. Kur ka thënë, kapni filanin, flisni me fistëkun, sei kemi vënë ne, i kemi emëruar ne, i kemi caktuar ne, etj. Kjo është e vërteta.