Kujdes – Natë me fenelina policie….

Megaoperacioni “Dëshiran”, i finalizuar nga DVP Elbasan, rezultoi me sekuestrimin e një arsenali armësh, shumave të mëdhaja parash dhe me vënien në pranga të 2 shtetasve.

Po në fushën e armëmbajtjes, është arrestuar në Krujë, 47-vjeçari që mbante në banesë armë zjarri dhe municion luftarak.

Si rezultat i bashkëpunimit të vazhdueshëm me partnerët amerikanë, u arrestua në Rinas, një shtetas indian, pjesëtar i një grupi kriminal në fushën e narkotikëve.

Janë goditur 5 raste të shpërndarjes së lëndëve narkotike në Tiranë dhe janë venë në pranga autorët e dyshuar të tyre.

5 raste të basteve nëpërmjet celularëve, të goditura në Tiranë dhe Durrës, në kuadër të planit operacional kombëtar “Fati i lojërave”.

4 të kërkuar për vepra të ndryshme penale, të vënë në pranga nga DVP-të Fier, Tiranë dhe Lezhë.

Gjithashtu, nga DVP Tiranë;

-është finalizuar operacioni “Phones 3”, në vijim të operacioneve kundër tregtimit të aparateve celulare të kontrabanduara, në pranga 34-vjeçari, të cilit i janë sekuestruar 21 aparate celulare;

-Janë sekuestruar pasuri me vlerë 5 milionë euro që dyshohet se e kanë burimin nga veprimtari kriminale.

Nga DVP Korçë në kuadër të operacionit policor “Marjani”, u vu në pranga një 18 vjeçare, e dyshuar si e implikuar në vrasjen e 26 vjeçarit, ngjarje e ndodhur më 16.06.2022 në fshatin Kolanec, Maliq.

Puna intensive policore në çdo qark të vendit, vijon.