Kurti dhe SHBA po luajnë fshehurazi/ Getoja e fundit në Europë

Diplomati serb Zoran Milivojeviç nuk konsideron se SHBA-të do ta detyrojnë Prishtinën të zbatojë formimin e asociacionit, sipas formatit origjinal nga Marrëveshja e Brukselit.

“Nëse SHBA-të ushtrojnë presion për formimin e asociacionit, atëherë ajo do të bazohet në qëllimet dhe interesat e shpallura nga Prishtina – si një grup joformal, një organizatë joqeveritare pa autoritet, pra si diçka që nuk ka ndikim, pra me dicka qe nuk përkon me atë që është rënë dakord dhe nënshkruar në vitin 2013 në Marrëveshjen e Brukselit. Kjo është një gjë, tjetër është se me planet e ndërmarra nga Kurti, si pershembull hapja e ures mbi lumin Ibër, asociacioni bëhet i pakuptimtë në kuptimin thelbësor. Të gjitha këta elemente kane per qellim shfuqizimin e pranisë se Serbisë në Kosovë. Nëse pas urës hapet çështja e shëndetësisë dhe arsimit, atëherë formimi i asociacionit bëhet i pakuptimtë dhe një moment te dytë mund të konsiderohet se nuk ka elemente për themelimin e tij për arsyen e thjeshtë se gjendja faktike në terren është ndryshe, sepse autoritetet e Prishtinës i kanë marrë të gjitha kompetencat dhe përgjegjësitë që në fakt duhet të kenë serbët perms asociacionit” – theksoi Milivojeviç, I cili gjithashtu beson se pakuptimësia e asociacionit është arsyeja kryesore e sjelljes së kryeministrit aktual të Kosovës, por edhe interesi kyç i Perëndimit.

“Ata duan që asociacioni të jetë i pakuptimtë dhe çështja e formimit të tij përtej asaj që eshte përshkruar në Marrëveshjen e Brukselit ne vitet 2013 dhe 2015. Ky është thelbi i historisë.” theksoi Milivojeviç.

Sipas tij, asociacioni në SHBA nuk është fare temë për momentin duke pasur parasysh që fushata për zgjedhjet presidenciale është duke u zhvilluar.

Nga ana tjeter historiani dhe analisti politik Ognjen Karanoviç theksoi se çështja e Bashkimit të Komunave Serbe, po përdoret nga Perëndimi politik dhe institucionet e Prishtinës si “mekanizmi i fundit”.

“Pra, nëse Beogradi njeh pavarësinë e rreme dhe një shtet të rremë në provincën jugore serbe, atëherë ata do ta formojnë Unionin e Komunave Serbe, gjë e cila pastaj e bën të pakuptimtë Marrëveshjen e Brukselit dhe gjithë këtë dialog që zhvillohet pa rezultat, natyrisht jo per faj të Beogradit, por për shkak të Perëndimit dhe fajit të Prishtinës.Prandaj Kurti bën gjithçka për të shmangur mundësinë që serbët të mbeten në Kosovë me çfarëdo të drejte autonome. Të mos kemi dilema fare. Kosova është ndoshta getoja e fundit për një komunitet të caktuar kombëtar, në këtë rast për serbët, në Evropë” – potencoi historiani dhe analisti politik Ognjen Karanoviç.