LAJM I MIRË/ Shqiptarët bëhen bashkë, mblidhen 220 mijë euro për shërimin e…

Ka shqiptarë të mirë, që kur bashkohen së bashku për të bërë një vepër të mirë, ia dalin, madje kalojnë çdo pritshmëri. Ky është rasti i vetëm pak ditëve më parë, kur familja Bordoniqi në Gjakovë kërkoi ndihmë për të shpëtuar djalin 16-vjeçar. Lumi vuan nga një sëmundje shumë e rrezikshme e kockave, e quajtur “Ewing Sarcoma”, apo e njohur ndryshe si kanceri i kockës. Ai kishte nevojë urgjente dhe shuma që nevojitej për të nisur kurimin në Turqi ishte 130 mijë euro. Megjithatë, zemra e mirë e shqiptarëve e ka tejkaluar këtë shifër. Pas publikimit të rastit në “JOQ Albania” shqiptarë nga e mbarë bota kanë kontribuar me sa kanë pasur mundësi dhe kanë mbledhur shifrën rekord të plot 220 mijë eurove, e mjaftueshme për kurimin e të riut. Tashmë 18-vjeçari Lum Bordoniqi, i shoqëruar nga familjarët e tij, do të niset drejt Turqisë në spitalin “Medical Park”, që ka konstatuar diagnozën dhe ka marrë përsipër kurimin e tij. Tashmë gjithçka është në dorën e mjekëve dhe Zotit dhe shpresojmë që Lumi t’ia dalë me sukses.