Connect with us

Kosova

Lajmi i fundit/ Gjendet i mbytur në Portin e Durrësit

Kosova

Asnjë marrëveshje nuk është arritur? Beogradi përgënjeshtron Osmanin: Gënjen…

Drejtori i Zyrës për Kosovën në qeverinë serbe Petar Petkoviç, ka akuzuar sot Presidenten e Kosovës, Vjosa Osmani, duke e cilësuar atë si “gënjeshtare” pas deklaratës së saj për dinarin serb.

“Çfarë do të thoshte populli ynë, Vjosa Osmani gënjen si qen! Asnjë marrëveshje për dinarin nuk është arritur, dhe ata që janë të fortë dhe të fuqishëm po bëjnë vetëm se po i imponojnë zgjidhje popullit serb në Kosovë dhe Metohi”, shkroi Petkoviç në rrjetin social “X”.

 

Osmani deklaroi më herët sot se çështja e dinarit serb në Kosovë duhet të zgjidhet me urgjencë dhe se tashmë ekziston pajtueshmëri për një pjesë të propozimit amerikan për këtë diskutim.

Sipas saj, do të ishte ishte nëse do të arrihej një marrëveshje në Bruksel, më 19 mars, në kuadër të dialogut mes Kosovës dhe Serbisë.

Continue Reading

Kosova

Çështja e dinarit/ Osmani: Është arritur dakordësi për një pjesë të propozimit amerikan

Presidentja e Kosovës, Vjosa Osmani ka thënë se çështja e dinarit serb në Kosovë duhet të zgjidhet me urgjencë dhe se tashmë ekziston pajtueshmëri për një pjesë të propozimit amerikan për këtë çështje.

Sipas saj, ideale do të ishte nëse do të arrihej një marrëveshje për të në Bruksel, më 19 mars, në kuadër të dialogut mes Kosovës dhe Serbisë, në nivel të kryenegociatorëve.

Ajo ka thënë se është shumë pozitive “që komuniteti ndërkombëtar, në krye me Shtetet e Bashkuara pajtohen që mos të ketë qarkullim të dinarit në Kosovë”.

“Me ndihmën e tyre kemi arritur që tash e tutje ato dërgesa, ajo ndihmë financiare që vjen nga Serbia, të arrijë në euro dhe jo në dinarë, dhe kjo besoj që e zgjidh një pjesë të madhe të problemit me të cilin jemi ballafaquar në të kaluarën”.

Sa i përket pjesës së dytë të propozimit, ajo ka thënë se autoritetet e Kosovës janë duke shqyrtuar mënyra për të garantuar që ndihma që niset prej Serbisë për komunitetin serb në Kosovë “mos të shkojë në duart e personave që kanë abuzuar, që janë korruptuar dhe i kanë marrë paratë kinse në emër të qytetarëve, por i kanë shfrytëzuar për krim të organizuar. Për atë pjesë është duke u hartuar një plan që do t’i përfshijë autoritetet e Kosovës”.

Osmani ka thënë se ka shpresa që shumë shpejt do të arrihet pajtueshmëri edhe për pikën e dytë.

Prej 1 shkurtit, Banka Qendrore e Kosovës (BQK) ka nisur të zbatojë një rregullore të re, e cila përcakton që euroja është valuta e vetme në përdorim për kryerje të pagesave me para të gatshme.

Kështu është pamundësuar përdorimi i dinarit. Serbia deklaron se ndan ndihmë në vlerë të miliona eurove për serbët në Kosovë dhe ua nis atyre pagat, pensionet dhe ndihmën shtesë në valutën e vet, dinarin.

Komuniteti ndërkombëtar i ka reaguar ashpër Kosovës për zbatim të rregullores, duke thënë se nevojitet një plan i qartë që nuk dëmton komunitetin serb, dhe se afati për zbatimin e saj ka qenë shumë i shkurtër./REL

Continue Reading

Kosova

Ja kur e ka rradhën Kosova, sipas Vladimir Putinit

Rebekah Koffler, ish-zyrtare e Agjencisë së Inteligjencës dhe Mbrojtjes së Shteteve të Bashkuara të Amerikës, paralajmëroi se inteligjenca ruse ka të ngjarë të kryejë operacione të fshehta që synojnë minimin e zgjedhjeve presidenciale në SHBA në nëntor të këtij viti, përfshirë ndërmarrjen e disa operacioneve destabilizuese në Moldavi dhe Kosovë.

Koffler, analiste amerikane e intelegjencës ushtarake, në një prononcim për kanalin televiziv amerikan Fox News, duke folur për planet e presidentit rus, Vladimir Putin, posaçërisht pas zgjedhjeve presidenciale që pritet t’ia sigurojnë atij një mandat tjetër gjashtëvjeçar në pushtet, paralajmëroi se Rusia mund të shkaktojë telashe edhe në Kosovë.

“Inteligjenca e Rusisë ndoshta do të synojë gjithashtu Moldavinë nëpërmjet operacioneve destabilizuese dhe mund të shkaktojë telashe në Kosovë pas zgjedhjeve të Rusisë. Ajo ka të ngjarë të kryejë operacione të fshehta ndikimi që synojnë zgjedhjet e SHBA-së për të mbjellë kaos dhe për të vendosur blloqe të ndryshme votuesish amerikanë kundër njëri-tjetrit”- deklaroi analistja.

Shumë vëzhgues deklarojnë se perspektiva e rrëshqitjes drejt skajeve të krizës nuk mund të izolohet; derisa krijohen kushte të favorshme për lojtarët lokalë serbë të lidhur me interesat ruse që të zgjerojnë hijen kërcënuese dhe të provokojnë konflikte rajonale nën mbështetjen e heshtur të Rusisë, rreziku i përshkallëzimit të dhunës rri i varur mbi mbarë Ballkanin Perëndimor.

Kujtojmë se në raportin e përvjetshëm të vlerësimit të kërcënimeve globale të sigurisë, komuniteti i inteligjencës amerikane paralajmëroi ngritje të nivelit të rrezikut nga përshkallëzimi i mëtejmë i dhunës në Ballkanin Perëndimor përgjatë vitit 2024, teksa u përmenden tensionet midis Kosovës dhe Serbisë në pjesën veriore dhe që karakterizuan rajonin gjatë vitit 2023.

Continue Reading

Kosova

E paimagjinueshme/ Përlasje e fortë Gjermani-SHBA për Kosovën

Deputetët gjermanë, Michael Roth e Knut Abraham, kanë reaguar ndaj deklaratave të emisarit special të Shteteve të Bashkuara të Amerikës për Ballkanin Perëndimor, Gabriel Esocbar, se janë edhe dy kushte të tjera për anëtarësimin e Kosovës në Këshillin e Evropës, përveç zbatimit të vendimit të Gjykatës Kushtetuese për Manastirin e Deçanit – kusht ky i cili është plotësuar nga Qeveria e Kosovës.

Kryetari i Komisionit për Punë të Jashtme të Bundestagut (Parlamentit) të Gjermanisë, Michael Roth, nëpërmjet një postimi në platformën sociale, X, ka vlerësuar se është krejtësisht e pakuptueshme që SHBA-të kanë vendosur kushte shtesë për anëtarësimin e Kosovës në Këshillin e Evropës.

“Kjo qasje e pa-balancuar e SHBA-së ndaj Kosovës duhet të ndalet përfundimisht. Është e padrejtë. Shtetet anëtare të Këshillit të Evropës ulen në sediljen e shoferit, jo në Amerikës” – ka potencuar Roth. Në anën tjetër Abraham ka thënë se për anëtarësimin e Kosovës ky institucion vendos si i pavarur.

“I vlerësojmë shqetësimet e Escobarit, por mund ta sigurojmë se do jetë Asambleja Parlamentare, e cila në mënyrë të pavarur, do përcaktojë kriteret e anëtarësimit për Kosovën në Këshillin e Evropës dhe do ta vlerësojë ajo përmbushjen e tyre” – ka shkruar Abraham.

Të mërkurën e shkuar Qeveria e Kosovës urdhëroi që Agjencia Kadastrale të ekzekutojë vendimin e Gjykatës Kushtetuese që 24 hektarë tokë t’i barten Manastirit të Deçanit. Kryeministri Kurti tha se ky ishte kushti për pranimin e Kosovës në Këshill të Evropës.

Vendimi i Qeverisë u mirëprit nga aleatët, ndërsa emisari Escobar, në një intervistë për Radion Evropa e Lirë u shpreh se janë edhe dy kushte të tjera për anëtarësimin e Kosovës në KiE, një për shpronësimet në Veri dhe tjetra më kryesorja – Asociacioni i Komunave me Shumicë Serbe.

Continue Reading

Kosova

Kurti stoik ndaj Perëndimit, zbulohet çfarë po ndërton ai

Pas vizitës së fundit të dërguarit të posaçëm të Shteteve të Bashkuara të Amerikës për Ballkanin Perëndimor, Gabriel Escobar në Kosovë, përfundimisht u betonua fakti se raportet ndërmjet Kosovës dhe komunitetit ndërkombëtarë, janë në pikën më të ulët të tyre.

Perëndimi në veçanti, SHBA-të, po kërkojnë pezullimin e vendimit për dinarin, derisa Bashkim Evropian, SHBA-të e Qeveria e Kosovës të gjejnë një zgjidhje afatgjate, siç do të ishte transferimi elektronik i eurove përmes sistemit të Kosovës.

Por me këtë nuk po pajtohet kryeministri i Kosovës, Albin Kurti, meqë në vlerësimin e tij “vendimi është i një institucioni të pavarur”, pra e BQK-së, në të cilin ai nuk dëshiron të përfshihet.

Marrë për bazë këtë premisë, Qeveria e Kosovës në dukje jep përshtypjen se është i fokusuar në ndërtimin e një tregimi se po lufton presionin perëndimor për të mbrojtur sovranitetin, narracion ky i cili do t’i shërbente kryeministrit të Kosovës, Albin Kurtit në zgjedhjet e përgjithshme që pritet të mbahen.

“Nuk ka dyshim se gjatë gjithë kohës Kryeministri Kurti ka operuar me këtë skemë. Dhe kjo nuk është hera e parë” – potencoi ish-deputeti i Lëvizjes Vetëvendosje, Afrim Kasolli duke shtuar se Kurti po ndërton figurën se është një person që nuk nënshtrohet dhe nuk e di se çfarë është trysnia ndërkombëtare duke u tërhequr më pas, papritmas, me një dëm të madh për pozicionin politik dhe diplomatik të Kosovës.

Përveç premisës elektorale, qëndrimi “stoik” i Kurtit në raport me presionin ndërkombëtar, për ish deputetin, ka motive edhe diku tjetër, te shfaqja para ndjekësve të tij, si një hero i vetmuar që po lufton vazhdimisht në mbrojtje të interesave kombëtare.

“Por, që në fund kur bënë kompromise dëshiron të mos gjykohet për këto veprime, por të mëshirohet si viktimë e asaj që ai ka trashëguar, që ka luftuar deri në fund, por nuk mundi t’i korrigjojë gabimet e liderëve paraprak të Kosovës”.

Njëjtë si Kasolli, edhe Visar Ymeri, ish-deputeti i Lëvizjes Vetëvendosje, beson se kryeministri Kurti është më shumë i fokusuar në ndërtimin publik të një profilit të politikanit që nuk dorëzohet, ndërsa në tavolinë pranon të gjitha koncesionet që po i kërkohen.

“Deklarimet e komunitetit ndërkombëtar po ngjallin reagim, natyrshëm, kritik ndaj qeverisë me kërkesën për ta ndryshuar qasjen, e që pastaj Kurti e përdorë për te minimizuar kritikën ndaj koncesioneve”.

Ky pozicion i Kurtit dhe fokusimi i tij vetëm në imazhin publik, për Ymerin, me siguri që shkakton dëme të mëdha.

“Kredibiliteti i pozicionit të Kosovës në dialog po dëmtohet. Një prej avantazheve që Kosova ka pasur vazhdimisht në dialog ka qenë fakti që vendet perëndimore e posaçërisht ShBA kanë pasur qëndrim të përafërt me Kosovën meqë e kanë konsideruar veten pjesëmarrës në themelimin e Kosovës shtet”. – Sjellja e Kurti, beson Ymeri, po e minon këtë pozicionim.

Continue Reading
Advertisement

TRENDING