Lufta e dronëve dhe grurit

Ndërsa po luftohet fort në terren për kontrollin e rajoneve lindore të Ukrainës, Presidenti Zelensky zbulon statistikat e sulmeve ruse. Prej muajit shkurt, kohë forcat e Moskës thuhet se kryen 8,000 sulme ajrore dhe kanë lëshuar 4,500 raketa. Për Zelensky, megjithatë, sistemet më të frikshme të armëve janë dronët ajrore iraniane, makina të ndërtuara për t’u vetëshkatërruar duke goditur objektivin. Forcat ukrainase kanë rrëzuar deri më tani 300 prej tyre. Përveç kësaj, gjashtë helikopterë sulmues janë shkatërruar javën e kaluar.

Me dronë ajrore dhe detare, ditët e fundit Ukraina ka kryer një sulm ndaj disa njësive detare ruse në Detin e Zi, duke goditur katër prej tyre që dyshohet se ishin vendosur për të garantuar sigurinë e korridorit të grurit.

Si rezultat, Moska ka njoftuar revokimin e marrëveshjes për planin për eksportin e grurit ukrainas. Sipas ekspertëve, mungesa e grurit dhe drithërave mund të çojë në kriza të vërteta humanitare. Rusia, e cila e përshkruan sulmin ndaj anijeve të saj në Detin e Zi si “një akt terrorist”, akuzon Londrën se ka trajnuar personelin ukrainas që kreu aksionin dhe njoftoi një kërkesë për të diskutuar incidentin në Këshillin e Sigurimit të Kombeve të Bashkuara.