Lufta e mundshme në Ballkan/ Faji i SHBA, paralajmëron Daniel Serwer

Paqëndrueshmëria, konfliktet e armatosura dhe etnike janë më se të mundshme në Ballkan, paralajmëroi Daniel Server, profesor në Shkollën e Studimeve Ndërkombëtare të Avancuara të Universitetit Johns Hopkins, duke shtuar se politikat dhe praktikat e SHBA-së dhe BE-së nuk janë duke ndihmuar. Ai tha se një luftë si ajo e viteve 1990 nuk ka gjasa sot në Ballkan dhe askush nuk mund të përballojë një konflikt si ai në Bosnjë që zgjati për më shumë se tre vjet, dhe se as forcat e udhëhequra nga NATO në Kosovë nuk do të tolerojë një pushtim të plotë të Serbisë. Sipas Server, lëvizjet e fundit të presidentit të Republika Srbsa, Milorad Dodik, shkelin frymën e Marrëveshjes së Dejtonit. Uashingtoni e ka sanksionuar atë si për sfidën e tij ndaj Dejtonit ashtu edhe për korrupsionin e tij të dukshëm. Por mungesa e një përgjigjeje të unifikuar nga Perëndimi kërkon feta të reja sallami. Kështu është edhe marrëdhënia më e ngrohtë e Dodikut me Beogradin, i cili përpiqet për një “botë serbe” që përfshin popullsinë serbe të vendeve fqinje. Nga ana tjetër kemi një kërcënim edhe më serioz në Kosovë. Serbia tashmë kontrollon katër komuna me shumicë serbe në veri të lumit Ibër. Me inkurajimin e Beogradit, serbët atje braktisën institucionet e Kosovës, bojkotuan zgjedhjet e fundit dhe u rebeluan kundër vendosjes së kryetarëve të komunave jo-serbë që u zgjodhën, teksa amerikanët dhe evropianët janë përgjigjur vetëm me qortime të buta verbale. Edhe pse veriu i Kosovës tani është i qetë, sipas Server, diplomatët e SHBA-së dhe BE-së ende insistojnë në tërheqjen e policisë së Kosovës nga territori sovran i Kosovës. Ndërkohë, presidenti serb Vuçiq ka qenë i zënë me përpjekjet për të penguar Ukrainën që të njohë pavarësinë e Kosovës, një shkelje e qartë e një marrëveshjeje që evropianët dhe amerikanët thonë se është e detyrueshme. Sipas Serwer, burimet e kërcënimeve për paqen, stabilitetin dhe përparimin e Ballkanit drejt BE-së janë të qarta. Ato janë të vendosura në Banja Luka dhe Beograd, të cilat mbështeten nga Moska. Por Brukseli dhe Uashingtoni mbeten të verbër ndaj të dukshmes. Ata ende po përpiqen të drejtojnë Bosnjën, Kosovën dhe Malin e Zi në drejtime që shumica nuk duan të shkojnë. Dështimi është një opsion. Është koha, theksoi Server, për të rivlerësuar dhe korrigjuar kursin.