luftë me SPAK/ Meta: As nuk më kërcet fare, jam i qetë

Kryetari i partisë së Lirisë, Ilir Meta e ka konsideruar sërish SPAK-un si vegël të mafies.

Meta ka thënë se ai është në luftë me mafien dhe se do t’i shkojë deri në fund denoncimit për inceneratorët.

“Unë kam luftë me mafien, e bëj këtë luftë qetë fare. As nuk më kërcet fare për ta. Unë i ftoj mos bëhen pjesë e lojës së Edi Ramës, se ai vetë do të jetë një kurban i madh. SPAK le të hetojë gjithë ditën nuk ka asnjë shqetësim. Ne nga këto hetim faktike që i kemi me firmë e vulë të Edi Ramës, kësaj çështjeje do t’i shkojmë deri ën fund, ndaj dhe nesër kemi lajmëruar këtë protestë tek inceneratorët”, tha Meta.

…

Përse opozita nuk është koordinuar për protestat? Meta: Kemi raport korrekt me Berishën

I pyetur për aleancën me Berishën dhe pse opozita nuk arriti dot të koordinojë as protestën e parë, ai tha se kjo ëhstë një inciativë për të treguar se kjo qeveri ka vjedhur.

Pjesë nga biseda:

Gazetari: Përse PD nuk është organizatore bashkë me ju e protestës te inceneratori i Tiranës?

Ilir Meta: Dikush duhet të marrë iniciativën. Kemi patur prioritet këtë çështje me fakte dhe me prova. Aty vidhen paratë e taksapaguesve të Tiranës. Funksionon si një aferë kriminale. Është çështje shumë e rëndësishme. Është prioritet për ne. Ne vijojmë me këtë iniciativë, është e hapur për të gjithë qytetarët që e kanë këtë ndjeshmëri.

Gazetari: Çfarë aleance keni ju me zotin Bersisha. Duket sikur keni një xhelozi për protagonizëm se kush do ta ketë kreun e opozitës.

Ilir Meta: Unë jam kryetar i PL. Për këtë çështje, jemi shprehur të hapur të bisedojmë me çdo grup interesi dhe parti. Kemi axhendën tonë. Jemi të hapur për të koordinuar edhe me PD dhe forcat e tjera. Nuk ka vend për të shpikur diferenca apo protagonizmë.

Gazetari: Relacioni juaj me Berishën ku është?

Ilir Meta: Raporti me PD është ky që thashë, raporti me zotin Berisha është korrekt

…

A do tërhiqeni nga politika nëse humbni përballë Ramës në zgjedhjet lokale? Meta: Mafia do humbasë

Gazetari: A do tërhiqeni nga politika nëse humbni përballë Ramës në zgjedhjet lokale?

Meta: Opozita do të ngrihet në lartësinë e momentit që e kërkon edhe populli ynë sepse është një moment kritik, se nuk ka të bëjë vetëm me pushtetin e opozitës, por me të ardhmen e vendit. Unë jam këtu në shërbim të kësaj çështje në e ditën

Gazetari: Nëse fiton mafia si do ja bëjmë?

Meta: Mafia do të humbasë. Jam i armatosur jo vetem me vullnet por dhe me durim.