Luizi i shpreh mirënjohjen Benet Becit në mes të shkodranëve: Është njeri i mirë

Kur na ndajnë edhe 3 ditë nga zgjedhjet vendore, duket se Luiz Ejlli, këngëtar dhe fituesi i BBV-së, e ka të qartë se kë do të mbështesë për garën për kryebashkiak në Shkodër. Artisti ka publikuar një foto me kandidatin e Partisë Socialiste për Shkodrën, Benet Becin. Ai ka zgjedhur të dalë në mbështetje të Benet Becit, për të cilin edhe më parë brenda shtëpisë së BBV-së ka shprehur mirënjohjen ndaj tij

Por edhe vetë Beci ka publikuar një foto nga takimi i madh, ku ishin të rinj. Përveç Luiz Ejllit i pranishëm ka qenë edhe këngëtari tjetër shkodran Frederik Ndoci, i cili edhe ai ka shprehur hapur mbështetjen për Becin.

“Lart e më lart. Është njeri i mirë, më besoni se dhe juve do t’ju ndihmojë me të gjitha mundësitë që ka”, dëgjohet të thotë Luizi për kandidatin socialist.

Kujtojmë se Luiz Ejlli e ka falënderuar më parë publikisht Becin, pasi sipas tij ai e ka ndihmuar në një moment të vështirë të jetës së tij, kur të gjithë i kishin kthyer kurrizin.

“Kur nuk të ndihmojnë ata që mendon se i ke pasur afër, si mund të pretendosh të të ndihmojë dikush vetëm pse është shkodran. Personi në fjalë quhet Benet Beci, një familje shkodrane që unë e njoh shumë mirë, dhe e kam marrë në telefon. Ma ka hapur telefonin direkt. I thashë çfarë ke mundësi ndonjë vend pune, unë do ta bëj. Më ka ndihmuar, më ka futur në punë direkt dhe i jam mirënjohës gjithë jetën” – tha Luizi.

View this post on Instagram

A post shared by NTV Television (@ntv.al)