Makina përplaset me pemën, vdes 45 vjeçari

Një aksident tragjik është regjistruar mbrëmjen e vonë të së premtes 19 maj në Castelnuovo di Borgonovo. Një 45-vjeçar nga Shqipëria, ka humbur jetën pasi makina që drejtonte ka dalë nga rruga dhe është përplasur me një pemë në anë të rrugës.

Si pasojë e përplasjes, shqiptari është plagosur rëndë, ndërsa ka vdekur menjëherë në vendin e ngjarjes për shkak të aksidentit fatal. Për nxjerrjen e trupit të pajetë të shqiptarit nga makina, është dashur ndërhyrja e zjarrfikësve të mbërritur nga Castel San Giovanni, së bashku me 118 mjetet dhe Kryqin e Kuq.