Mandati i Zaçajt/ Bardhi: Ta thërrasim në seancë, të deklarojë se kush po i bën presion!

Kreu i grupit të PD, Gazment Bardhi ka ngritur në Kuvend çështjen e përfundimit të mandatit të Gjykatës Kushtetuese. Bardhi ka kërkuar që të thërritet në seancë plenare Holta Zaçaj, ose në komisionin e Ligjeve dhe të deklarojë se kush po i bën presion, referuar deklaratës së saj për mediat.

“Kryetarja e Gjykatës kushtetuese ka deklaruar se ka presioni politik, ekonomik  mbi anëtarët e gjykatës. Mua më shqetëson kjo çështje ngre pikëpyetje mbi ekzistencën e dy institucioneve të larta prandaj ne nuk duhet të qëndrojmë jashtë këtij debati. Ne duhet të kemi një seancë urgjente dëgjimore  te kryetares së gjykatës kushtetuese dhe atij të gjykatës së larte. Ne nuk do duhet si Kuvend të qëndrojmë jashtë këtij debate që po fut kushtetuesen e Shqipërisë në një ngërç kushtueses. Mund ta fus Shqipërinë në një rrugë ku të kemi disa anëtarë të GJK, disa që mbajnë zyrën me dhunë, disa atë tjerë që zgjidhen nga organet e emërtesës duke sjellë pasoja për shtetin. Kjo mund të na krijojë probleme në Gjykatën Europiane të të drejtave të Njeriut”, tha Bardhi.

Ditën e sotme kryetarja e Gjykatës Kushtetuese Holta Zaçaj ka njoftuar mbledhjen e gjyqtarëve për deklarimin e përfundimit të mandatit të saj, pas dy ditësh këmbëngulje për të mos u tërhequr nga posti. Zaçaj në një njoftim për mediat tha se mbledhja u shty pasi nuk u arrit një vendimmarrje. Kryetarja deklaron se në emër të interesit publik, në mbrojtje të institucionit që drejton, dhe për të shmangur mosmarrëveshje kushtetuese, sot në datën 12 dhjetor 2024 vendosi ti drejtohet Mbledhjes së Gjyqtarëve për deklarimin e mbarimit të mandatit si gjyqtare kushtetuese. Por edhe pse thërriti mbledhjen, Zaçaj nuk tërhiqet nga qëndrimi i saj se mandati i përfundon në fund të vitit 2025 dhe jo më 10 mars.